Versículos más leídos de la Biblia 2 KORINTUS 7

Compartir

Sabab seudeh nyang lagée nyan jipeuhase até teu ubah nyang jipeuteuka keuseulamatan. Dan ureuëng hana teuma meunyeusai keuhai nyang lagée nyan. Sikeubiet jih, seudeh nyang teuma sijalan ngon keuheundak manusia jipeuhase maté.

Syedara-syedara nyang teucinta! Phon-phon that janji nyan teutuju keu geutanyoe. Ngon sababnyan bah kheueh geutanyoe tapeugleh droe nibak peue mantong nyang jipeukuto jiwa raga tanyoe. Bah kheueh geutanyoe tatakot keu Po teu Allah, mangat tanyoe jeuet udeb khusos keu Gobnyan ngon sampoereuna.

Teuma bak watée nyoe ulôn mangat até – kon lé sabab até gata ka jeuet keuseudeh, teuma ngon na seudeh gata nyan teupeujeuet peurangoe gata ka meu-ubah. Keubiet that, seudeh gata nyan sisuai ngon keuheundak Po teu Allah. Ngon lagée nyan, kamoe hana kamoe peurugoe gata.