Versículos más leídos de la Biblia 1 YAHYA 4

Compartir

Ureuëng nyang jirasa geunaséh Allah, nibak ureuëng nyan hana jituri keupeurasaan teumakot; sabab geunaséh nyang sampoereuna jipeuleunyab banmandum peurasaan teumakot nyan. Ngon lagée nyan deuh kheueh teukalon bahwa nibak ureuëng nyan gohlom jirasa gaséh Allah nyang sampoereuna meunyoe ureuëng nyan teumakot meuhadab ngon Uroe Peungadelan.

Teuma Aneuëk-aneuëk lôn, gata na kheueh milék Allah. Gata ka tapeutalo nabi-nabi peuleusu, sabab Roh nyang na nibak gata leubeh meukuasa nibak roh nyang na nibak ureuëng-ureuëng milék donya nyoe.

Tanyoe geugaséh, sabab Allah ka leubeh ilée geugaséh tanyoe.

Syedara-syedara nyang lôn cinta! Jak kheueh geutanyoe saléng tameugaséh sidroe ngon nyang laén, sabab geunaséh nyan asai jih nibak Allah. Ureuëng nyang na gaséh, na kheueh aneuëk Allah dan jihnyan jituri Allah.

Ureuëng nyang hana gaséh, ureuëng nyan hana jituri Allah; sabab Allah na kheueh gaséh.

Nyoe kheueh gaséh nyan: Bukon geutanyoe nyang ka tagaséh Allah, teuma Allah nyang gaséh keugeutanyoe dan geukirém Aneuëk Geuh mangat meulalu Aneuëk Geuhnyan tanyoe meuteumé amphon banmandum desya-desya geutanyoe.

Syedara-syedara nyang lôn cinta, meunyoe Allah meunan that geugaséh geutanyoe, tanyoe pih harôh tagaséh sidroe ngon nyang laén.

Allah geupeugah bahwa Gobnyan geugaséh tanyoe ngon cara geukirém Aneuëk Geuh nyang tunggai u lam donya nyoe mangat tanyoe meuteumé udeb meulalu Aneuëk Geuh nyan.

Meunyoe sidroe-droe ureuëng jipeugah, “Ulôn kugaséh Allah,” teuma ureuëng nyan hana jigaséh keusyedara jih keudroe, ureuëng nyan tukang meusulet. Sabab ureuëng nyang hana jigaséh syedara jih nyang jikalon keudroe, hana mungken ureuëng nyan hase jigaséh Allah nyang hana deuh jikalon.

Barang sigasoe nyang jiaku bahwa Isa nyan Aneuëk Allah, Po teu Allah udeb meusaboh ngon ureuëng nyan, dan ureuëng nyan pih udeb meusaboh ngon Allah.

Sabab nyan, nyoe peurintah nyang geubri lé Almaseh ubak geutanyoe: Barang sibagoe jigaséh Allah harôh jigaséh teuma syedara-syedara jih.

Syedara-syedara nyang lôn cinta! Bék kheueh tapatéh bak mandum ureuëng nyang meungaku na Roh Allah, teuma ujoe kheueh awaknyan leubeh ilée keutateupeue peu kheueh roh nyang na nibak awaknyan asai jih nibak Allah atawa bukon. Sabab jai that nabi-nabi peuleusu ka jijak bansaboh nyoe. Meunoe kheueh cara jih mangat gata teupeue peu kheueh Roh Allah atawa kon: Ureuëng nyang jiaku bahwa Isa Almaseh geutreun lam donya sibagoe manusia, ureuëng nyan biet na Roh nyang teuka nibak Allah.

Teuma meunyoe na ureuëng nyang hana jiaku hai nyan, ureuëng nyan nibak jih hana Roh Allah. Ureuëng nyan na roh nibak Musoh Almaseh. Syedara ka tadeungoe bahwa roh nyan teuma teuka, dan jinoenyoe kana lam donya nyoe.