Versículos más leídos de la Biblia Ŋitic. 1

Compartir

Nai iryamunete iyes apedor apaki ŋina ebunio Etau ŋolo Asegan neni kus; iruworosi iyes ŋisuudae kaŋ alo Yerusalem, alo Yudaya daadaŋ ka Samaria tari neni isalya akwap.”

Tolimok Yesu ikes tema, “Etubunit Akuj Papa ŋirwa ka ŋapakio keŋ. Nyerae ŋuna kus ayenut ŋuna itemokinit iŋes anapedor keŋ.

Apeikoloŋit erukito iŋes ka ikes, kicik iŋes ikes tema, “Nyirotokis alo Yerusalem, nai kidarutu ainakinet ŋina abu ayoŋ okolimok iyes--Etau ŋolo Asegan ŋolo ikiikinit iyes Papa kaŋ. Anerae ebatisae Yoana a ŋakipi, nai alorwa a ŋidi a ŋulu alokiŋaren, ikibatisao iyes a Etau a ŋolo Asegan.”

Alotooma ŋirwa ŋatomoniomwon kelunyar atwanare keŋ, totakanu iŋes neni kec alopitesyo a ŋulu alalak a ŋulu etoodiunito kire atemar eyari iŋes; ido tolimok ikes ŋakiro ŋuna ka Apukan ka Akuj.

Ani kedau iŋes alimun ŋakiro nu, yaarae iŋes kidiama nakuj iteete ikes; torapuwa edou iŋes nyiŋolikis ikes.

Ani eriŋa ikes ireorito kidiama eyaaryo iŋes, apotu ŋikilyok ŋiarei towua alodiye kec, enapito ŋilowi ŋulu akwaŋak kya temasi, “Ŋikilyok ŋulu alo Galileya, nyo iwuatar iyes kireorito kidiama? Yesu lo ŋolo ayaar nakuj aneni kus, eboŋuni alopite a ŋolopei iŋolikiniata iyes iŋes elosi nakuj.”