Versículos más leídos de la Biblia याकूब 4

Compartir

इस खातर खुद परमेशरा रे अधीन हुई जवा, कने शैतान्ना रा बरोध करा, तिस तुहांरे सामणे ते नट्ठी जाणा।

परमेशरा रे नेड़े औआ, तां तिस बी तुहांरे नेड़े औणा। अरे पापियो! अपणयां पापां जो अपणे जीवना ते दूर करा, कने दोगले माहणुओ, अपणे मना जो पवित्र करा।

प्रभुये रे सामणे अप्पूँजो नम्र करा, तां तिस तुहांजो आदर देणा।

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”

इस खातर सै जे भलाई करना जाणाँ, पर करदा नींआ, तिसरे खातर ये पाप आ।

तुहें मंगणे पर पान्दे इस खातर नींये, काँह्भई गल़त इरादे ने मंगां ये, ताकि सिर्फ अपणियां इच्छां जो पूरा करी सक्को।

विश्वासघाती लोको, क्या तुहांजो ये पता नींआ भई संसारा री दोस्ती तुहांजो परमेशरा रा दुश्मण बणां ईं? हऊँ भीं बोलां भई जे तुहांरा मकसद इस संसारा रा मजा लुटणा इ हाया, तां तुहें परमेशरा रे दोस्त नीं हुई सकदे।

पर सच्चाई त येई भई तुहें नीं जाणदे भई कल क्या हूणा, तुहांरी जिन्दगी हाई कितणी? ये भापा साई सै जे थोड़ी देर दिस्सां इ फेरी गायब हुई जाईं।