Versículos más leídos de la Biblia प्रेरितां 20

Compartir

मैं तुहांजो सब किछ करीने दस्या भई इयां-इयां मेहणत करीने कमजोराँ जो संभाल़णा कने प्रभु यीशुये रे वचन याद रखणे जरूरी ये, सै जे तिने अप्पूँ इ बोलीरा : ‘परमेशर अहांजो बौहत आशीष देआं ताहली जे अहें अपणे खातर लेणे रे बजाय दुज्जेयां जो दें।’ ”

पर हऊँ अपणे प्राणां जो बी किछ नीं समझदा भई तिस्सो प्यारा जाणुं, पर येढ़ा भई हऊँ अपणी दौड़ा जो कने तिसा सेवा जो पूरी करूँ, सै जे परमेशरा रे अनुग्रह ते खुशखबरिया री गवाही देणे खातर प्रभु यीशुये ते पाईरी।

इस खातर अपणी कने पूरे झुण्डा री रखवाली कराँ तिसच जे पवित्र आत्मा ते अगुवे बणाईरा, भई तुहें परमेशरा री कलीसिया री रखवाली करो, तिस्सो जे तिने अपणे खून्ना ते मुल्ले लईरा।

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।