Versículos más leídos de la Biblia Rommi 8

Compartir

Eno ningu no ithi akeu no Alhou ye thowkha kümtsü lo pa kimiye chekemiqo kivipu ghenguno mülàtsü cheni. Panongu ye pa kimiji kiqi lono kulùve kemiqo ke.

Kughengu ino ithi akeu no akìthí na aküxü na, kungumiqo na tüghaküsaqo na, itehi na ighi nikeu na, kiu-kiu küká na, qhemghai keu na thonhei keu na, lhoqhipüa keu kümtsü dolo kiu-kiu shi aghí namu ningu Mipeu Khristo Jisü vechewo Alhou kikimiye akeu lono ningu küghüxa müla nani kepi ino pülübeluvae.

Tipaphi lono, ningu kimiqe lo Aghungú no kuphu acheni. Ningu ye kiu ghenguno inikhu moayesa keno ithi chemoe, ikemu Aghungú ampi no piphe müla keu küsǜ ghügha vechewo ningu ghenguno alakipiu shi inikhu acheni.

“Tishiaye, ningu ye thime hipaqo lo kiu pi kepu ani kea? Alhou no ni küdau ani aye, khuu no ningu lachile kulupu kea?”

Tighenguno Khristo Jisüʼw shiluve kemi shou ye küghathabemo nani

Timi lhoaye no ghasüpe akeu kükümsü ye akìthí süghi cheni, ikemu Aghungú no ghasüpe akeu kükümsü ye aküxü eno aloino keu süghi cheni.

Moe, hi kümtsü lo Khristo khuu ningu kimiye cheni keno pa vechewo ningu ye tokulumiqo nguno akiqheu ke.

Ino kiqiphelu keu ye ningu no itodolo imé akeqo ye khilemu ighi nikeu juküvü khikhi ningu lolo pephe piye niye ani keno tipau sasü kimghi mülae.

Khuu no Khristo kikimiye lono ningu küghüxalu nani kea? Tiye aküküpüna no keo aghime no keo akijiküsapu no keo püqümiye no keo athokha no keo akümsapu no keo akithipu no kea?

Eno Alhou khuu ningu mulo lheju cheni keno pa no Aghungú kükümsü ithi acheni, kughengu Aghungú no Alhou pulou kiqi lono Alhouʼw timiqo ghenguno alakipiu shi inikhu tsü acheni ke.

Kughengu Alhou Ghungú no khunoqo sapheni keno panongu ye Alhou nuliqo ke.

Timi lhoaye lono xüche kemiqo kükümsü ye timi lhoaye no kiu shinishi cheni keno tipaqo shou kümsüpuku pe acheni; ikemu Aghungú pape ghi xüche kemiqo kükümsü ye Aghungú no kiu pulo cheni keno tipaqo shou kümsüpuku pe acheni.

Alhou ye pa likhi pa Nu ghí süchilevemo no ningu kümtsü ghenguno ikhiphe pesü tsüve ke, pa ye kíshi no thime kütau ghí kümtsü puloniqhiyi ningu tsümoni kea?

Aghungú ampiu no ningu ghungú gholo küqha no ningu ye Alhou nuliqo kepi thopi shitsü cheni. Ningu ye Alhou nuliqo ke ghenguno ningu ye pa mheghi kiyighiuqo ke. Eno Khristo gholo ningu ghí Alhou juküvü mheghi ighiküqha ke. Ikemu pa juküvü gholo küsaje nishi aye ningu ye pa ghime lo ghí küsaje moayesa nani.

Timi lhoaye no ghasüpe akeu kükümsü ye Alhou ghümi ke; eno tiye Alhou yeza qhoqhü chemoe, momu qhoqhü müla nanie.

Kughengu lhoqhipüa keu jeli kümtsü no Alhou nuliqo pephe piye niye akeu shishe lakuju shi khekulhoshi anie.

Ningu no ithi akeu no ishí kutólo lhoqhipüa keu kümtsü no apunu küsǜ sǜ akelo igha akeshi igha ani.