Versículos más leídos de la Biblia Rommi 1

Compartir

Ni ye atsakiviu ghenguno küjove chemoe, kughengu hiye pülü kemi kümtsü lau Alhou küká vechewo xakulu süghitsü chekeu ke: atüghishi Jewmi lau, eno tithiu no Jewkumomi lau süghi ke.

Kughengu atsakiviu lono Alhou chipiumikucho pephe piyevae. Achipiumikucho tiye atüghi lono ashekha kutólo aküpülü vechewo ke, tiye hitoi yèpüa keu toi ke: “Achipiumikuchomi ye aküpülü lono xülu nani.”

Kughengu ayeghiqha pulhosü kelo nomu Alhouʼw ithukümla meküaqo—tiye paw lhokta küká eno akimthe lhoaye—kinikujo mütsümishei ithuluvae, eno tiye kiu lhoqhi püani keno tipau lono vethaluvea, ikehu timiqo ye ajekukivi kiumu kühavae.

Kughengu Alhou pülümo kemi ye Alhou ithi anamu, panongu ye Alhou kepi pa je pipitsümoe momu shikimthi pa tsümoe, ikemu panongu kükümsü ye abokümsa shive eno panonguw nikhanigha mulo ye züchiyive.

Panongu no Alhouʼw kuchou ghili pesü akimiki gholo kilive ke, eno pulhosükütsü Lhou mülá eno huthu nikeu züqhulo pulhosü püakeu jeliqo mülá eno huthuke. Pulhosükütsü Lhou ye pülhapuju sheqhe akepue. Amen.

Alhou loghu ye atsütsǘ lono alhou kümthami eno küsakügha kümlà shi chekemiqo shou pephe piyevae. Timi tipaqo ye panonguw küsakügha pesü kuchou ghasü cheni.

Hi ghenguno, Alhou no panongu ikhiphe pe akukujopu kimineqo lo tsüve ke. Panonguw totimiqo ghí alhoaye lono kipitimi-totimi kikivi keu ghola kumo no pano likhi pano dolo kikivi keu shike. Tihutoi kipitimiqo ghí alhoaye lono totimi sasü kikivi chekeu ghola qhive no lakhi no lakhi jumine keu no pitipüzaqhi ke. Kipitimi no kipitimi kütami sasü akukujopu kümlàqo shi, eno pano likhi pano shikipimi ghenguno aghime ithulu küzüpu shi akeu ithulu ke. Tinguno alau, panongu ye Alhou ghili ithi nikeu ameküapu shi kümsümoe, ikehu Alhou no panongu ikhiphe pesü pano kükümsü lhoküsa lo tsüve no panongu ye kiu shimo kepu keno tipau shi acheni pe ke.

Panongu no alokütsümi kepi pükha anamu panongu ye nikhanighami shive eno ajuküvü pesü thimo keu Lhou tsüni keu züqhulo panongu ye thiveniküau timi julho, aghau, lhoxü eno itikiche lhoxü julho toi ithulu keqo müláuve ke.