Versículos más leídos de la Biblia Марко 13

Compartir

Сарэ́ явэ́на тэ на дэн паты́в зоралэ́с тумэ́нгэ пал Миро лав; а одова́, саво́ вырикирэ́ла саро́ дава́, явэ́ла зракхно.

Дыкхэ́н, и ракхэ́нпэ и мангэ́нпэ Дэвлэ́скэ: пал-дова́ со тумэ́ на джинэ́на, ке́ли дасаво часо явэ́ла.

Ке́ли тумэн лыджа́на тэ здэн, на пиридживэн анги́л, со тумэ́нгэ тэ ракирэ́н; ракирэ́н дова́, со тумэ́нгэ явэ́ла дыно́ дрэ дова́-паць мардо́ (шту́нда) тэ ракирэ́н; пал-дова́ со на тумэ́ кокорэ́ явэ́на тэ ракирэ́н, а Свэ́нто Ду́хо (Фа́но).

Болыбэ́н и пхув проджа́на, а лава́ Мирэ́ на проджа́на.

Нико́н на джинэ́ла ни дывэ́с, ни мардо́ (шту́нда), ке́ли дава́ саро́ явэ́ла, ни болыбна́скирэ Янго́лы, ни Чхаво́ – а екх Дад джинэ́ла.

Ке́ли тумэ́ шунэна пал марибэ́н и мавлыня (малвы) пал марибэна, на андыршан. Саро́ дава́ трэй тэ явэ́л, нэ дава́ ишчо (инкэ́) на саро́.

Адя́кэ и тумэ́: “Дыкхэ́н, на совэн!” Пал-дова́ со тумэ́ на джинэ́на, ке́ли рисёла кхэрэ́скиро хула́й: могинэ́ла дрэ паш рат, ци сыр пробагала башно, ци пэ зло́ко; соб (кай), ке́ли ёв явэ́ла, тэ на заухтылэл тумэн, со тумэ́ сан сутэ́. И дова́, со Мэ ракира́ва тумэ́нгэ, ракира́ва сарэ́нгэ: ракхэ́нпэ!”

Пал-дова́ со ґаздэ́напэ мануша́ пэ манушэ́ндэ и кралипэ́н пэ кралипэ́н. Дрэ ра́зна штэ́ты явэ́ла тэ тринскирэлпэ пхув и явэ́ла бокх. Саро́ дава́ явэ́ла анги́л сы́рбы дукха́, дрэ савэ́ нэво́ ману́ш бияндёла

Нэ англэды́р сарэ́стыр трэй тэ пхэнэлпэ лав Евангелиятыр ваш сарэ́ на́цыи.

Бут явэ́на кэ тумэ́ Мирэ́ лавэ́са и явэ́на тэ ракирэ́н: ‘Мэ сом’, и бутэн хохавэна.

Дыкхэ́н жа пал пэ́стэ; тумэн явэ́на тэ сэндинэ́н, и явэ́на тэ марэ́н дрэ синагоги. Пал Ма́ндэ тумэн явэ́на тэ тырдэн анги́л рандэ и кралье́ндэ, и тумэ́ явэ́на тэ допхэнэн лэ́нгэ пал Ма́ндэ.

явэ́на хоханэ́ Христосы, хоханэ́ проро́ки; ёнэ сыкавэ́на барэ́ ґэртыка (знаме́нии) и кэрэ́на ди́вы, соб (кай) тэ хохавэн аж кодолэ́н манушэ́н, савэ́н Дэвэ́л выкэдыя́, ко́ли явэ́ла сашты́.

А дро долэ́ дывэса́, сыр проджа́ла (накхэла) дая́ пхари́ би́да, кхам мурдёла, и чхон на явэ́ла тэ свэнцынэл пэ́скирэ свэтоса (лосаса), и чэргэня́ пэрэ́на болыбна́стыр, и болыбна́скирэ зорья явэ́на тринскирдэ.