Versículos más leídos de la Biblia Матфеё 17

Compartir

И ракирэ́ла Ёв лэ́нгэ: “Пал-дова́ со тумаро́ патяибэ́н исын назорало; палдова́, чачэс, Мэ ракира́ва тумэ́нгэ: ко́ли явэ́ла тумаро́ патяибэ́н сыр гарчычно зя́рка, тэды пхэнэ́на бэргакэ ‘тэ джал одотхы́р адари́к ‘и джа́ла; и тумэ́ могинэ́нас саро́.

Ке́ли ёв ишчо (инкэ́) ракирдя́, акэ, святло о́блоко чхакирдя лэн, и, акэ, зан облокостыр, сави́ ракирдя́: “Кадава́ исын Миро Дро́го Чхаво́, дрэ Савэ́стэ исын Мири́ ра́дыма, Лэс шунэ́н.”

Ису́со пхэндя́ дро отпхэныбэ́н: “Тумэ́ сан напатяибнаскиро и пхарэ́-манушэ́нгиро ро́до, кицы́ Мэ тэ явав тумэ́нца? Кицы́ Мэ ява́ва тэ вырикирав тумэн? Янэ́н лэс адари́к.” И Ису́со припхэндя́ зоралэ́с раклорэскэ, и гия́ яври́ лэ́стыр на́лачхо ду́хо (фа́но), и екха́тыр тэрнэ́-бэршэнгиро яця́ састо́.