Versículos más leídos de la Biblia Яков 3

Compartir

Нэ годыпэ́н, саво́ джа́ла болыбна́стыр, англэды́р сарэ́стыр ёв исын жужо́ грэхостыр, раманёно, штыл (тихо), вырикирэ́ла бут, на пхандэла манушэ́с, исын пхэрдо́ тангипнаса и лачхэ́ рэндэ́нца, сэндинэла шэра́ (ра́внэс) манушэ́н, нанэ дуемитко.

Кон исын тумэ́ндыр тэ явэ́л годьваро́ и тэ джинэ́л саро́; мэк ёв тэ сыкавэ́л дава́ пэ рэ́ндо пэ́скирэ лачхэ́ джиибнаса и ковлэ́-илытконэ годыпнаса

А чачипэ́н дэ́ла аплодо одолэ́ манушэ́нгэ, савэ́ кокорэ́ кэрэ́на рама́нё (миро) и причхувэна зор ваш дава́.

А кай исын зэвлэныпэн и холы́, одо́й явэ́ла сыр бу́нто машки́р манушэ́ндэ и саро́ чорипэ́н.

Чибаса (чибьяса) барьякираса амэ Дэвлэ́с-Дадэ́с, и кошаса манушэ́н, савэ́н Дэвэ́л создыя́ пир Пэ́скиро дыкхибэ́н. И кадалэ́-паць уштэндыр джа́ла лавэнгири бари паты́в и кошыбэ́н. Пшала́лэ мирэ́, на трэй, соб (кай) адя́кэ тэ явэ́л.

Чиб-дава́ исын сы́рбы доя́-паць яг, савья́тыр могинэ́ла тэ явэ́л бут фуипэ́н; чиб исын машкира́л амарэ́ масэнгирэ паша́, со калякирэла саро́ и могинэ́ла тэ схачкирэл саро́ амаро́ джиибэ́н яга́са, сави́ джа́ла люностыр (адостыр).

Нэ чиб нико́н манушэ́ндыр на могинэ́ла тэ пхандэл; дава́ исын чорипэ́н, саво́ нашты́ тэ урикирэс, ёй исын пхэрды́ мэрибнытконэ трутаса (ядоса).

Пшала́лэ мирэ́! Мэк тумэ́ тэ на сарэ́ гинэн пэс сыклякирибнаскирэнца, пал-дова́ со тэды амэн явэ́на тэ сэндинэ́н барэ́ строгимаса.