Versículos más leídos de la Biblia Sofonija 3

Compartir

O Raj Devél, tyró Devél, isyn túsa, Jov isyn Zoralypnaskiro te zrakhél tut; Jov javéla drieván te radynélpe radymása, Jov déla ramánjo (miro) túke Léskire laskatyr, Jov javéla te radynélpe tútyr viesjolymasa (lošasa).

Dro davá časo Me janáva tumen pale, i adiáke-pac' Me skedáva tumen. Me dáva patýv tuménge i ĥazdáva tumen maškír saré manušénde pe phuv, kiéli Me janáva pale tumaré plienonen angíl tumaré jakhá”, – phendiá Raj Devél.

O Raj Devél lyjá krig pharó séndo pe túte, Jov tradyjá krig tyré vergos. Králi Izrailjoskiro, o Raj Devél isyn maškír tuménde, tumé butýr na javéna te dykhén bari bibáht.

Ake, dre davá časo Me roskedavape kodolenca sarénca, Kon pritasadia tumen, Me zrakháva langalen, i Me kedava khetané adalen, savé tradyne krig. Me barjakirava i Me dáva patýv lénge pe kažno phuv, pe saví ladžakirdé len.