Versículos más leídos de la Biblia Rimlianenge 10

Compartir

pal-dová so, kóli tu priĥaljosa tyré ušténca i javésa te rakirés sarénge, so ‘Isúso isyn Devél’ i javésa te patias tyré ilésa, so Devél otdžidiakirdiá Les muléndyr, tedy tu zrakhesape.

Pal-dová so, kon patiála ilésa, davá patiaibén lydžála ke čačipén, a kon priĥaljola ušténca, davá lydžála ke zrakhibén.

Patiaibén javéla šunybnastyr, a šunybén javéla Devléskire lavéndyr.

Paldavá Svénto Čhinybén rakiréla: “Kon patiála dre Léste, odoléske na javéla ladžavo.” Pal-dová so nane nisavó vykedyiben maškír Judénde i Elinénge (Griekénge/Balaménge); pal-dová so jekh Odová-pac' Devél isyn vaš sarénge, i Savó bahtiakiréla barvales sarén, kon prikharela Les. Pal-dová so so jekh manúš, kon prikharela Devléskiro lav, zrakhélape.

Ne syr vari-kon javéla te phenél lav lénge, kóli jov na javéla bičhadó? Syr isyn čhindló pal davá: “Save bahtalé isyn ĥerá odolé manušéngire, savé psiréna pir svéto i rosphenena bahtalý zan pal ramánjo, pal Léskire lačhé réndy.”

Ne syr saštý te prikhares Odolés, dre Konéste jone na upatiándyne? I syr lénge te upatian dre Odoléste, pal Konéste jone nisó na šundlé? I syr jone moginéna te šunén, kóli nikón na javéla te phenél lav lénge?

Zakóno končyndiape Xristosósa, sob (kaj) kažno, kon patiála, te javél pridžindlo čačunesa.