Versículos más leídos de la Biblia Kolosianenge 3

Compartir

iavén kovlé jekh ke jekh i primangen jekh jekhéske, kóli vari-kon pe vari-konéste rikiréla xolý; to syr Xristóso primangdia tuménge, adiáke-pac' i tumé kerén.

Duminen (den godý péske) pal dová, so isyn dro Bolybnáskiro Rajo, ne na pal dová, so isyn pe phuv.

I saró, so tumé keréna, kerén saré iléstyr, syr vaš Ráske-Devléske, ne na, syr vaš manušénge

I paldavá pirikeren pes dre manušénde, savén Devél vykedyjá: javén svénta, dróga, javén tangipnýtka i lačhé-ilytka, bišaribnaskire, kovlé-ilýtka, dlugone vyrikiribnasa

Mek te dživél dre tuménde saré barvalypnasa Xristosóskiro lav, kiéli tumé sykliakiréna i déna godý jekh jekhéske psalmenca, lačhé lavénca, devlytkoné gilienca, bagán Devléske parikiribnasa dre tumaré ile. I saró, sob (kaj) tumé te na kerén, lavésa ci rendosa, saró kerén vaš Ráskiro-Devléskiro, Isusóskire Xristosóskiro lav, parikirén Devléske Dadéske pir Léste.

Ke saró davá dočhuven patýv ke javír manušá, saví isyn fundámiento vaš čačunó sarengiro khetaniakiriben.

I adiáke, kóli tumé otdžidyne muléndyr Xristosósa, tedy pričhuvén zor te dživén pir čačipén, savó isyn dro Bolybnáskiro Rajo, kaj Xristóso isyn beštó pir čačó (pravo) vast Devléstyr Dadéstyr.

I mek te javél dre tumaré ile Devléskiro ramánjo (miro), ke savó tumé sánas khardé syr pašá Jekhe Masendyr, parikirén pal davá.

Muliakirén tumaré nalačhé phuvitka réndy: džiibén dro bléndo, magiripén, tyrdypén ke grého, nalačhé mysli i zevlynypén, saró davá isyn dynaribén idolénge.

Pal-dová so tumé myné vaš davá svetoskiro džiibén i kakaná tumaró džiibén isyn garadó Xristosósa dre Devléste.

Ne kakaná tumé mekén saró: xoliakiribén, mižehipen (jaros'), obrakiriben, ladžaipnytka lavá te na phenén tumaré uštá.

Na xohaven jekh jekhéske, pal-dová so tumé otphendlepe phurané péskire džiibnastyr saré léskire rendénca. Tumé pirikerde péskiro phuranó džiibén pe nevó, savó jačélape nevó pir džinybén pal Kodoleste, Savó sozdyjá les pir Péskiri patrín (óbrazo)

Muršále, javén lačhé ke Péskire romniá, i na javén pharé lénca.

Čhavé, kandén péskire daden dro saró, pal-dová so davá trej Ráske Devléske.

Džuvliale, kandén Peskiren romen, syr davá trej te javél dre Raste – Devléste.