Versículos más leídos de la Biblia Madius 19

Compartir

Is alum ra a Iesu, um ika ehele ra, Et ehka nitai ineigki va atimi; ja, et tup upene niji itai asega vai Atua.

Erau eti lep ero arau, ja et tup ethi ache nohurau arau. Et itaup inlep atiakoaivaig nitai ineigki is adgai iran a Atua.

Is tas aien, um ika ehele ra, Akis esvi aijaua, ka o’o, nikavaig, aien is upyi ago natimi aien, is ago rau aien natamaig im intakata, um ika, “Etmu ude etman im risin natamaig, um amen aien im ehgan: etpu tup ethi ache nohurau arau”?

Is um ika a Iesu, Ude ilpu halav aijaua, eri apam ehelek ara, um jim acaiji ra; era idivai ra ara era amen an nelcau an nohatag ara.

erupu esjilid natimi inyi ahinag, era apitac ara; ja erupu apitac natimi inyi ahinag, era uhup ara.

ara asega eris ude eom ura, im ilpu etoara, im ilpu atahaig ira ra, im etmara, im risira, im ehgara, im ilpu hal ura, im umara, vai nyak, erupu leh neruvaig ara inyi wun huntret, im lep nitai umoh iran inyi ti lep ti

Is ika ehelen a Iesu, El et merit aiek nesjilidvaig an nedo upene, apan aiek um ahtai niji itai unyum, um alupai ilpu ihki atimi; napu idim leh niji itai upene an nohatag aiek: um apam um apitac nyak.

Is ika ehelen aien, Na auri aiek par aniv upene nyak? et eti upene tah, Atua ache: ja el et merit aiek napanvaig an nuarin umumoh iran, um imyiaiji niji tas alep o Atua.

Ek lep asaig ehelemia ainyak mika, Et tup upene vai kamela namiliekvaig an hed an nitel, jam ehka vai natimi ikni itai napanvaig an nelcau o Atua.

Ek asaig ehelemia ainyak mika, Aien et abrai ehgan aien el et eti ago ingaijid aien, um leh intaka takata, et ago ingaijid aien: aien et leh yin aien eris abrai yin, et ago ingaijid aien.

Is um ika ehele ilpu atimi atahaijeg yin a Iesu, Et inivaijec ineig ek asaig ehelemia ainyak mika, Et ehka vai natimi ikni itai napanvaig an nelcau an nohatag.