Versículos más leídos de la Biblia Kolosiya 2

Compartir

I̱yo̱ko̱ zin, ming elemttau niga Ye̱su̱ Ki̱ri̱sto̱ kize Manyi cunno̱ng, abunna zin ming abakku baize cinne. U̱ru̱ktte̱k zo̱o̱ lo̱o̱c ngati Ki̱ri̱sto̱ kar enne kize e̱e̱t ci aanyik tu̱we̱ne̱t cunno̱ng kokkom ki ba̱li̱ye̱ edemezung ol ke̱, kar aanycik Ta̱mu̱ta̱dde̱n zany odohize oroot.

Ka̱du̱wa̱kku̱ng, ebeit e̱le̱tti̱ ju̱rru̱m, kar i̱llo̱i̱ e̱e̱t imma ci alabanung genyize ci anyak volong a̱kku̱ ngati ol cik diirik, de̱mzi̱ne̱t ci olli lo̱o̱tu̱, iróng ozoz zoz ci obod ki Ki̱ri̱sto̱.

U̱tu̱gu̱zzu̱ niga ba̱li̱ye̱ ki ol cik a̱da̱i̱to̱ mu̱nye̱ne̱ cuggo̱k, ogonnu niga ki ci ngen mu̱nye̱na̱ cuggo̱k kaartai, a̱a̱nyu̱ng zin Ta̱mu̱ta̱dde̱n ruget zo̱ze̱ ci Ki̱ri̱sto̱. Alalek enne mu̱nye̱n cigga̱c agit do̱o̱k. Aara zin enne mu̱nye̱n cik aavtte ngatinna zo̱ze̱ ci iróng naga ko̱ngo̱o̱li̱ne̱ Lo̱ti̱nno̱k cik Musesi. Idimak enne mu̱nye̱n tu̱ go̱o̱le̱ ci a̱da̱kne̱ Ye̱su̱ keete ci een ta̱la̱ke̱c.

Eci ngati Ki̱ri̱sto̱, abak Ta̱mu̱ta̱dde̱n eliye cinne do̱o̱k, urubtau zin niga baiz ci abunna do̱o̱k go̱o̱le̱ ci urumteziu niga Ki̱ri̱sto̱, nonno ci anyak doiz ci ommog vongizzok do̱o̱k.

I̱yo̱ko̱ zin, ma anyikku e̱e̱t imma kettedeung zoz zo̱ze̱ ci obod ki da̱i̱ne̱t cik adakku icima kaal cik auddu, icima zoz ci obod ki kwo̱o̱rnya̱ cik Ya̱u̱do̱, icima i̱i̱te̱n ci iyowane nyelowi jor icima I̱i̱te̱n wa Yu̱bze̱nto̱. E̱e̱ggi̱n kaala ne̱ko̱ do̱o̱k ri̱ri̱to̱n ci kaal wak ovvo a̱vvu̱, abarik zoz ci een de̱de̱ amudai ngati Ki̱ri̱sto̱.