Versículos más leídos de la Biblia Mencrer Xà 42

Compartir

Ne mẽr ampo na mã wa imã amji kĩn nare, ne ikrihkrit ita na ipa? Xà quê ha ajkĩ Inxũ Catihti ita hipêr itehcajpar nare? Hãpà! Quê ha ihtỳj hacpỹa mã imã amji kĩnti na ito. Cwỳrjapê wa ha hacpỹa mã Inxũ Cati to amji mã ihhimpej, ne to amji japackre, ne to cati prãmte cumã: “Apeaj to apej, ne apê Inxũ Cati pê Pahpãm pê ikên pê ipytàr catê rohnỳtti mã” hane.

Ỹhỹ, Inxũ Cati, ca ihhêj ne ipê ampỳa mã apa. Pom côjkwa crà kam, carà mã hatuj xà jõ cô to kôrti, ita na mã ite, ne wa apê ampỳa mã apu ipa. Na wa hacpỹa mã awỳr amji jaxàr to prãam to prãm, mãr cu hipêr ajpẽn pupu, ne ajpẽn cahi na papa. Inxũ tĩr rohnỳtti mã ata, he ihhêj rũm apê cô, ne imã ato kôar to kôr. Ne jũ caxuw mã wa ha ajte awỳr icato, ne ite ato acati prãmte imã akĩnti ita na amã amji jarẽ?

Ne mẽr ampo na mã wa imã amji kĩn nare ne ikrihkrit ita na ipa? Xà quê ha ajkĩ Inxũ Catihti ita hipêr itehcajpar nare? Hãpà! Quê ha ihtỳj hacpỹa mã imã amji kĩnti na ito. Cwỳrjapê wa ha hacpỹa mã Inxũ Cati to amji mã ihhimpej, ne to amji japackre, ne to cati prãmte wa ha cumã: “Apeaj to apej, ne apê Inxũ Cati pê Pahpãm pê ikên pê ipytàr catê rohnỳtti mã” hane.

Me icurê xwỳn catêjê me icukij to: “Mẽr jõ ri mã côjkwa kam Apãm Cati ita? Ihhêj ne hamreare” hane. Cwỳrjapê ri imã amji kĩn nare, ne ipeacre, ne wa ijàpàn nare kam, amcro me caxwa cunea kam amrã. Mã ito cacô pit ajxwỳ. Ne ito cacô pijaxwỳr ita pê ihhêj rũm ijõ, wa to pit mã apà.

Wa Pahpãm jũrkwa me, me ikjêjê pê, ampỳa mã ipa, ne Côpijapjêr jõ cô jatuj xà na kẽnti itajê kam ikrĩ. Mã kẽn cati itajê pĩn, cô catia ne ikam ajxwỳ, ne kypê hàhkrihkrit nare, ne tee icuran prãm. Ita pê ihhêj rũm imã amji kĩn nare te ikam ipijaxwỳr. Cwỳrjapê ri imã amji kĩn nare ita pê ihhêj rũm ijĩ cunea kam ikàj xà, ne Pahpãam te ri imã amji kĩn nare ita na iton, na wa itỳj to amji japackre.