Versículos más leídos de la Biblia ၥ မိ 26

Compartir

အဖၧၩ့နီၪဆံၭ.- အီၪလၧခးလဘံၪ့ယီၩဆံၭ. တၭယ မိအီၪလၧနၥိၭတၭ, ယမိဆိၪဂ့ၩနၧၩလီၫ. အဂဲးဘဲၫ ယီၩ,ဆၧလၧခးလဖၪထီးအလူၬယီၩ, ယမိဖ့ၪလၫ့နၧၩ ဒဲနချံၫနၥၪတၭ, ယမိမၩဂုးမၩခၧၫ့ဆၧ လၧယဆိၪလၩ့

ယၥၭလၧနဖါစအၫဘြဟၫ့,- တၭယမိမၩအၪထၪ့နချံၫ နၥၪဘဲၫၡၪၥံၪ လၧမူၭခိၪအၥိၭတၭ, ယမိဖ့ၪလၫ့ခးလ ဖၪယီၩထီးအလူၬ လၧနချံၫနၥၪလီၫ. တၭကယဲၦၡၩ လၧဂၪ့ခိၪချိၫ့ လဆၨၩလါလါနီၪ, မိန့ဘၪဆၧဆိၪဂ့ၩ လၧနချံၫနၥၪအဖၧၩ့လီၫ.- မွဲလၧစအၫဘြဟၫ့ ခိၭနၪ ယလူ,ဒဲထီးန့ယထူၫယရူၫ, ယဆၧမၪလူၬလဖၪ,ယ ဆၧစ့ၩရၫ့လဖၪ, ဒဲယၥနိၫလဖၪအကၠီၩ့နီၪလီၫ. တၭစအံစၭအီၪဝ့ၫ လၧဂံရၫအဖၧၩ့နီၪလီၫ.

မံၩ့လၧစံတနၫလီၫ.- အဝ့ၫနီၪစဲၪ့ထၪ့ခွံၬထီးနီၪတၭ, ခုၪ့ထံၫဖၧၩ့အဂူၫဂၩလဖၧၩ့ဒီၭတၭ, အဝ့ၫၥံၪအဲၪ့လိၬ ဆိၭချဲၩ့လိၬအၥၭ လၧအဝ့ၫနီၪအဂဲးအကၠီၪ့အ့ၬး ကိၭ ဝ့ၫအမံၩ့ လၧရဟိဘိၭတၭ, စံၭဝ့ၫဒၪ, အဂဲးဘဲၫယီၩ, ဘိၩ့နဲၪ့ယီၩ ယဟိဝၩမၩယူၭအလး လၧပဂးယူၭတၭ, ပမိၥၪထၪ့လၧခးဖၧၩ့လီၫ.

ယဟိဝၩမၩဖျီၪထၪ့အၥၭတၭ, စံၭဝ့ၫဒၪ, ထီးလ့ၩ လၧအံဇံၭအဖၧၩ့လဂ့ၩ, အီၪလၧခးလၧယမိဒုၭနဲၪနၧၩ

ဘြဟၫ့အခိၪအကၠီၩ့လီၫ.- အဝ့ၫဒၪမၩထၪ့ဆၧလုအ လးထီးနီၪတၭ, ကိၭထၪ့ယဟိဝၩအမံၩ့, ၥုၪ့အတဲၩ ထီးနီၪတၭ, စအံစၭ အဎီးအၡၩ ခုၪ့ထံၫဖၧၩ့ လဖၧၩ့ ထီးနီၪလီၫ.