Versículos más leídos de la Biblia Apocalipsis 12

Compartir

Pek vetmotxisubꞌlu u txꞌiꞌliꞌinaj tu vikajal u Chelem Karneꞌl utz, tu u taltu u yolbꞌal Tioxh. Yeꞌn toksa tetz u vatz iqꞌii isaj tu u vatz amlika txꞌavaꞌ. Utz yeꞌn ixoꞌva u kamchil.

Ech vabꞌi tek maꞌl u yol tu Amlika. Techal iqetun taltu ech tzaꞌ: —¡Aatz cheel, oponyu u tiempo aas elyoꞌ vatz u kukoontra! Oponyu u mam iyakꞌil u Tioxh. Nitekiꞌan viQꞌesalail. ¡Aqꞌaxyu u tijleꞌm tu viTxaaom! Bꞌajaxy el u txꞌiꞌliꞌinaj vaꞌl nichxochon vatz Tioxh qꞌiils aqꞌbꞌal qꞌu kumol niman tetz u Jesuus.

Tan kꞌonax kuꞌl u mam Dragoon vatz txꞌavaꞌ. Ayaꞌ u txꞌiꞌliꞌinaj, vaꞌl Diablo utz, Satanaas ibꞌii. Tan aꞌ vaꞌl nieesan kajay qꞌu aanima tu bꞌey qꞌuꞌl atil tu u vatz amlika txꞌavaꞌ. Aꞌ imol qꞌul iaanjel bꞌajax kuꞌl vatz txꞌavaꞌ.

¡Echixeꞌat txuqꞌtxunojex Amlika utz, jatvaꞌl ex atilex tuul! Pek tilayol sayaꞌkꞌex aanima qꞌuꞌl abꞌil ex atilex tu u vatz txꞌavaꞌ tuchꞌ qꞌuꞌl tu mar. Tan kꞌonaxyu koꞌp u txꞌiꞌliꞌinaj texoꞌl. Utz techal ilakp iviꞌ tan, tootzajle aas bꞌiit koꞌxh siꞌaneꞌ, ech sabꞌen tu choobꞌal paav.— Texhtuꞌ.

Ech xeꞌt maꞌl chꞌaꞌo tu amlika. Aatz u Meꞌk, u qꞌesal aanjel, molomal tibꞌ tuchꞌ qꞌul iaanjel iꞌan chꞌaꞌo tuchꞌ u Dragoon. Utz aatz u Dragoon, ayaꞌ u txꞌiꞌliꞌinaj. Molomal tibꞌ tuchꞌ qꞌul iaanjel majte.

Ech lakp iviꞌ u Dragoon tiꞌ u ixoj tziꞌ. Utz aꞌ tek ex iꞌan chꞌaꞌo tuchꞌ qꞌul ituꞌxh ixalam u ixoj. Ayaꞌ jatvaꞌl qꞌu niman tetz qꞌul imantaar u Tioxh utz, qꞌuꞌl nibꞌanon qꞌu kam qꞌuꞌl tal u Jesucristo. Ech aꞌ tek txakeꞌkka u Dragoon viꞌ u sanaabꞌ tziꞌ u mar.

Uncheeꞌ aꞌ tek vil ichee maꞌl u mam xheenya tu amlika. Vil maꞌl u ixoj, techal iribꞌun tiꞌaj. Qꞌii u toksaꞌm. Atilka u ichꞌ jaqꞌ tajan. Utz atich jeꞌ maꞌl ikoroona tiviꞌ, kabꞌlaal txꞌumiꞌl tzolchel ok tiꞌ. Aatz u ixoj tziꞌ, atich tu tiichajla yaabꞌil. Utz aalich texh topon u tiempo aas siꞌan bꞌaꞌn. Vaꞌl iqꞌeqꞌun tu chiꞌom.

Ech itzꞌpu u titzꞌin u ixoj tziꞌ. Tal xiak. Utz saꞌnaliꞌan ijlenalil. Echaꞌ tu chꞌichꞌ bꞌaara satoksav qꞌu aanima tu jik tu kajay qꞌu tenam. Pek ul eesaloj bꞌen utz, ex aqꞌaxoj vatz u Tioxh, vatz vikꞌujlebꞌal tetz mam iqꞌesalail. Utz aatz u ixoj tziꞌ, elbꞌen. Ex atoj tu maꞌl u tzꞌinlich tzaji txꞌavaꞌ tu vaꞌl bꞌanichnalku tuch tatibꞌal tu u Tioxh. Utz aꞌ siꞌilbꞌelik tziꞌ tu maꞌl 1,260 qꞌii.

Ech aꞌ tepaj vil ichee vaꞌt u xheenya tu amlika. Maꞌl u mam txokop, Dragoon ibꞌii. Kajiꞌ tiloneꞌ. Jujvaꞌlen iviꞌ utz, laval tukꞌ. Atil jeꞌ ikoroona tu junun qꞌul iviꞌ tziꞌ. Utz paal ijuxu untanul tu ox tanul qꞌu txꞌumiꞌl tu amlika tu vijee. Ikꞌon kuꞌl vatz txꞌavaꞌ. Ech txakeꞌ u Dragoon vatz u ixoj vaꞌl siꞌchtekitzꞌpu u titzꞌin. Tan sichiꞌeꞌ nichtaleꞌ, taꞌxh siꞌitzꞌpi.

Pek aatz u Tioxh tan, taqꞌ kaꞌvaꞌl ixichꞌ u ixoj, echaꞌ tetz mam xichꞌ. Ech saxichꞌan telbꞌen vatz u Dragoon vaꞌl echaꞌ txꞌiꞌla txokop. Seꞌnikol tibꞌ tu u tzꞌinlich tzaji txꞌavaꞌ, tu vaꞌl atilku u tatibꞌal. Tan aꞌ siꞌilbꞌelik tziꞌ tu oxvaꞌl yaꞌbꞌ tuchꞌ unnikꞌamte. Ech taꞌxh til ibꞌen u ixoj u Dragoon, ixaꞌva jeꞌul mam aꞌ titziꞌ, echaꞌ nimaꞌ. Ech sapaaltija u ixoj nichtaleꞌ. Pek aatz u txꞌavaꞌ, iloch u ixoj. Ijajpu koꞌn tibꞌ. Utz bꞌen u nimaꞌ tuul vaꞌl ixaꞌva jeꞌul u Dragoon titziꞌ.