Versículos más leídos de la Biblia Kalangan 51

Compartir

Paniya'in aku atay sussi, pabaha'uhun itikadku bo' mbal magpinda-pinda.

Pabīngun ni aku kalasigan ya bay ma aku tagna' kapangalappasnu ma aku. Buwanin aku kajarihan ahutu bo' tahinangku kabaya'annu.

Da'a kono' aku paluwasun min haddaratnu. Da'a la'anin min aku Rū-nu Sussi.

Ya huhulmatan pagmatayan Tuhan, ya na atay ata'u magsusun. O Tuhan, mbal sowaynu atay pagsususun maka atay areyo'-deyo'.

O Tuhan, ka'ase'in aku ma sabab lasanu kakkal. Patiase'un ka, angkan amu'ku pinapasan paldusahanku. Kose'in aku min kasā'anku, sussihun aku min dusaku.

Sussihun aku maka sayul hissup, ati alanu' aku. Pandihun aku, ati apote' aku min pote' gapas.

Ya dusaku itu dusa ni ka'a sadja, ngga'i ka dusa ni manusiya'. B'nnal, bay aku amakay dusa ni ka'a, angkan taluwa' bang aku katōngannu dusa. Abontol ka. Taluwa' isab bang aku pat'nna'annu hukuman.