Versículos más leídos de la Biblia Valooma 5

Compartir

Lɨno ʉNgʉlʉve aatʉvoniitse ʉkʉta, atʉganile siitso kʉ nzɨla jya kʉmmʉmya ʉKɨlɨsiti atʉswɨle wʉ ʉwe tʉpitsiige vagalo.

Ʉlʉhʉʉvɨlo ʉlwa nalʉkaweese ʉkʉtʉsʉʉsa, manya tʉlʉmanyile ʉkʉta, ʉkʉgendela mwa Mepo ʉMbalatse ʉvɨ ʉNgʉlʉve atʉpye, inumbula tsiitu tsidɨgile ʉlʉgano lwa mwene.

Lɨno, ɨngave vukʉtwitsilaga ʉvʉpala ʉvʉveetsaga, ʉwe tutaamaga tʉhowiike, manya tʉlʉmanyile ʉkʉta ʉvʉpala vukʉtʉpelela ʉlwɨjʉmɨɨlɨtso mu lwɨdɨko. Ʉlwɨjʉmɨɨlɨtso lwʉ lukʉtʉpelela ʉvʉkangasu, naweene ʉvʉkangasu vukʉtʉpa ʉlʉhʉʉvɨlo.

Lɨno, ʉlwakʉva ʉNgʉlʉve atʉvalye ʉvʉgolosu ʉkʉhʉmana nʉ kʉmwɨdɨka ʉmwene, tʉlɨ nʉ lʉnotsehetso nʉ mwene kʉ nzɨla jya Ntwa viitu ʉYɨɨsʉ Kɨlɨsiti. Kʉ nzɨla jya kʉmwɨdɨka ʉYɨɨsʉ, ʉNgʉlʉve atʉhʉngʉkye, ikange nalɨ lɨno igendelela ʉkʉtʉhʉngʉkɨla. Apo tuhovoka siitso, manya tuhʉʉvɨla ʉkʉta tʉlaava paninie nʉ Ngʉlʉve mu vʉtaamo wa mwene ʉwɨɨmɨkiwa.

Lola, ʉKɨlɨsiti iitsile akatʉswɨla twɨ vatava vagolosu wʉ tʉpitsiige tukɨlemwa.

Lɨno, ɨngave tʉvaliilwe vagolosu kʉ nzɨla jya kʉduudika ʉnkisa gwa Yɨɨsʉ, jɨlweli kʉ nzɨla jya Yɨɨsʉ, tʉlapokwa kʉ lʉviipo ʉlʉkali lwa Ngʉlʉve.

Lola, ndʉwʉ ʉmuunu mpamato aabeelile ʉkʉmpʉlɨka ʉNgʉlʉve, akavapelela avaanu vongosu vave vatulanongwa, vʉvʉle vʉle ʉmuunu mpamato ʉvɨ aampʉliike ʉNgʉlʉve, alavapelela avaanu vongosu vave vagolosu.

Ikange, nakwʉ kʉta lɨlɨ lɨɨlyo lyene, apeene paninie nɨɨlyo ʉNgʉlʉve atʉpelye tʉhovoke siitso pa tsilya itsʉ atʉvombye, manya kʉ nzɨla jya Ntwa viitu ʉYɨɨsʉ Kɨlɨsiti tʉsajiine nʉ Ngʉlʉve.