Versículos más leídos de la Biblia Valooma 14

Compartir

Manya isiinu sya kʉvɨɨkɨla ʉntɨma mu wɨɨdɨki nʉ vʉkongi wiitu kwa Ngʉlʉve natsʉ kulongwi tsa kʉlya evo ʉkʉnywa, apeene ikulongwi tsa kʉvomba ʉvʉgolosu, ʉkʉva nʉ lʉnotsehetso nʉ lʉhekelo isyʉ ihʉmya ʉMepo ʉMbalatse. Nʉ mwene ʉvikʉmbombela ʉKɨlɨsiti ndavʉle, ikʉmmovosa ʉNgʉlʉve, ikange inogela pamiiho ga vaanu.

Tʉngave twiva vʉʉmi, tutaama pa vʉsumbe wa kʉmbombela ʉNtwa, ikange tʉngave twiswa, pwʉ twiswa kʉ wɨɨmɨkiwa wa Ntwa. Pwʉ lɨno, tʉngave tʉlɨ vʉʉmi evo tʉsue, tʉlɨ kyʉma kya mwene.

Pwʉ ʉnsɨkɨ gwoni twɨjʉmɨɨlɨtsaage ʉkʉvomba isiinu isikʉtʉpelela tʉtaamage paninie nʉ lʉnotsehetso ni syʉ sitangɨla ʉkʉdʉlʉsania mu lwɨdɨko.

Pwʉ lɨno, ndajɨve ndeeti twɨlekelwe ʉkʉhɨga avɨɨdɨkivajiitu, ikange tʉlamule ʉkʉleka ʉkʉvomba ɨkɨveetsaga ɨkikʉmpela ʉmwɨdɨkinʼjiitu apɨnzanike evo avombe imbiivi.

Pa kulongwi ɨjɨ, ʉVʉvɨge ʉVʉvalatse wiita, “Tsa jɨlweli, ʉNtwa itsova iita, ‘Ʉmuunu nʉ muunu alasugama paane, nʉ kʉtsova kʉ lʉlimi lwa mwene ʉlʉginio lwane ndɨ Ngʉlʉve.’ ” Pwʉ lɨno, ʉmuunu nʉ muunu pagati paawe, alapanga jyʉmwene ikulongwi tsa mwene pavʉlongolo pa Ngʉlʉve.

Mumwʉpɨlɨlage ʉnʼjiinyo ʉvɨ nadʉlwiki mu lwɨdɨko. Ʉnyie kwʉ baako ʉkʉkaningʼana nʉ muunu ndʉʉjwa pa kulongwi jya kʉlekengʼana kɨmasaago ʉnyie nʉ mwene.

Ʉlɨ vʉvʉle ʉvʉtavʉlɨlwa napadebe wa kʉmmɨga ʉmbombi va muunu ʉjyʉnge. Ʉntwa va mwene vɨ alʉmanyile ɨngave ʉmbombi va mwene anangile evo nanangili. Nʉ mbombi ʉjwa jiivombaga ndʉwʉ jilondiwa, manya ʉNtwa ʉYɨɨsʉ alɨ na maka ga kʉmbɨɨka avombage ewo.