Versículos más leídos de la Biblia Valooma 12

Compartir

Pwʉ lɨno, muleke ʉkwɨga ikange inyiiho itsivombwa na vaanu va mu kɨlʉnga ɨkɨ. ɄNgʉlʉve vɨ aandʉle inumbula tsiinyo muve na masaago amapya. Apo pwʉ jʉmumanyila ʉkʉlʉmanya ʉvʉnogwe wa Ngʉlʉve kwanyie, kwʉ kʉta, ɨkɨɨnu kɨlya ɨkɨnonu, ɨkɨkwɨlanie ikange ɨkikʉmmovosa.

Lɨno vɨɨdɨkivajyango, ʉlwakʉva ʉNgʉlʉve ikʉtʉkolela ɨkɨsa, ndikʉvasiima kʉ numbula jyango jyoni, mwɨhʉmye muve ndi neekelo tsa sidɨɨmo isyʉmi, imbalatse, itsikʉmmovosa ʉNgʉlʉve. Lola, ʉkʉvomba ewo jyʉ nzɨla jya lweli jya kwɨsaja kʉ mwene.

Hekelagi kʉ galya amanonu ʉgwʉ ʉNgʉlʉve aavahʉʉviitse ʉnyie ʉkʉta alavavombela. Sipagi vʉngaviitsile ʉvʉpala, nʉ kʉgendelela ʉkʉnʼdoova ʉNgʉlʉve.

Ʉlekage ʉkwɨdɨka ʉkʉdʉlaniwa ni mbiivi itsʉ vuvombelwa na vaanu, apeene imbiivi itso ʉtsilesaage kʉ nzɨla jya kʉvavombela inonu.

Mugananage jyʉnyie kwa jyʉnyie ʉta vanamuunu. Ʉmuunu nʉ muunu gʉnogage siitso ʉkʉmwɨmɨka ʉnnine.

Muvaganage avajiinyo kʉ numbula ɨmbalasu. Kwʉ kʉta, mwɨlekelwe lwoni ʉkʉvomba imbiivi, apeene muvombage inonu ʉnsɨkɨ gwoni.

Pa kulongwi jya kʉvombelanila na vaanu avange, ʉnyie vombagi ɨlɨveetsaga ɨlyʉ muweesa pakʉta muve nʉ lʉnotsehetso na vaanu vooni.

Vagane vango, kwʉ baako ʉkʉlʉmbɨla, apeene mundekelage ʉNgʉlʉve vɨ avombage itso. Nditsova ewo ʉlwakʉva mu Vʉvɨge ʉVʉvalatse ʉNtwa ʉNgʉlʉve iita, “Ʉne neene ndɨlalʉmbɨla.”

Mwɨkupilage, muleke ʉkʉva voolo ʉkʉvomba ɨmbombo jya Ngʉlʉve, apeene mutangwe nʉ Mepo ʉMbalatse ʉkʉgendelela ʉkʉvomba ɨmbombo ɨjyo kʉ numbula jyoni, mumbombelage ʉNtwa ʉYɨɨsʉ.

Lɨno, ʉlwakʉva ʉKɨlɨsiti amye ʉlʉhʉngʉ ndɨve mpositili va mwene, pwʉ ndikʉmbʉʉla mpamato mpamato mwanyie ndiita, muleke ʉkwɨvona munogelanie ʉkʉlʉtɨɨlɨla ʉmwʉ muveelye. Apeene, mwɨvonage ʉkʉta, ʉmuunu nʉ muunu apeevilwe ʉlwɨdɨko lʉlʉninie nʉ Ngʉlʉve.

Avaanu vangavavombele ʉvʉviivi, mulekage najyʉnyie ʉkʉvavombela ʉvʉviivi. Apeene, ʉnsɨkɨ gwoni, wʉ mukaanale ʉkʉvomba ɨkɨveetsaga kʉ vange, musaagɨlɨlage taasi nʉ kʉvomba galya agivoneka manonu kʉ vaanu vooni.

Mutaamage vʉnonu jyʉnyie kwa jyʉnyie. Mulekage ʉkwɨtotsa, apeene mwɨjisaage nʉ kʉva nʉ vʉnyange na vaanu avibedwa, pange mulɨvonaga ʉkʉta munya lʉhala ʉlʉlʉti.

Pa kʉleka ʉkʉlʉmbɨla ʉVʉvɨge ʉVʉvalatse wiita, “Ɨngave ʉndʉgʉ vaako alɨ nɨ nzala, impe ɨkyakʉlya; ikange angave alɨ nɨ kyʉmɨlwa, impe ɨkyakʉnywa. Lola ʉngavombe ewo, wiiva ʉta ʉlʉndaminie ʉmwoto ʉgʉkenywike pa ntwe gwa mwene.”

Avaanu avikʉvapelela ʉvʉkʉvɨlwa, muvadoovelage pakʉta ʉNgʉlʉve avasaje avo, mulekage ʉkʉvadoovela ʉkʉta vakootolwe. Hekelagi paninie na vihekela; lɨlagi paninie na vilɨla.

Ʉvɨ alɨ ni siinu, avatangage avɨɨdɨkivanine avalɨ vʉvʉle isiinu, ikange muve nyango ʉkʉvʉʉpɨlɨla vʉnonu avahenza mu nyumba tsiinyo.

Ndʉwʉ mulʉmanyile, ʉmmana gʉlɨ mpamato, napeene gʉlɨ ni sipagɨka syongosu. Ɨkɨpagɨka nɨ kɨpagɨka kɨlɨ nɨ mbombo jya kyene. Vʉvʉle vʉle wʉ gʉlɨwo ʉmmana gwa Kɨlɨsiti. Ʉwe tʉlɨ sipagɨka syongosu sya mmana mpamato gwa mwene. Mu mmana ʉgʉ, ʉmuunu nʉ muunu ɨpelile kɨpagɨka kya vanine.