Versículos más leídos de la Biblia Exodo 15

Compartir

Nagsiring hiya, “Kon pagsugton ako niyo hin hingpit pinaagi hin pagbuhat han akon gin-iisip nga matadong, ngan pinaagi hin pagtuman han akon mga sugo, diri ko kamo kakastigohon hin bisan ano nga sakit nga gindara ko ngadto han mga Ehiptohanon. Ako amo an GINOO nga nagtatambal ha iyo.”

An GINOO amo an akon kusog ngan akon kalipay; amo hiya an nagtalwas ha akon. Amo hiya an akon Dyos, ngan pagdadayawon ko hiya, hiya an Dyos han akon amay, ngan kakantahan ko an iya pagkagamhanan.

“O GINOO, hin-o han kadiyosan in sugad ha imo? Hin-o in sugad ha imo nga urosahon an pagkabaraan? Hin-o in nakakagbuhat hin mga milagro ngan gamhanan nga mga buhat sugad han imo.

Ha kamatinumanon mo han imo saad, gindara mo an mga tawo nga imo ginbawi; gindara mo hira pinaagi han imo kusog ngadto han imo baraan nga tuna.

Niyan inamabot hira ngadto hin usa nga dapit nga ginngaranan nga Mara, kundi mapait hin duro an tubig didto nga waray hira makainom. Amo ito nga ginngaranan nga Mara ini nga dapit. Nagsumbong kan Moises an mga tawo ngan nagpakiana, “Ano an aton iimnon?” Nag-ampo hi Moises hin kinasingkasing ngadto han GINOO, ngan ginpakita hiya han GINOO hin lipak hin kahoy nga ipinilak niya ngadto han tubig, ngan waray na pagpait an tubig. Didto gintagan hira han GINOO hin mga balaod nga pagtutumanon nira, ngan iya liwat ginsarihan hira didto.