Versículos más leídos de la Biblia MGA KAWIKAAN 15

Compartir

Nakapapawi ng poot ang sagot na malumanay, ngunit nagbubunsod sa galit ang salitang magaspang.

Ang takot sa PANGINOON ay pagtuturo sa karunungan, at ang pagpapakumbaba ay nauuna sa karangalan.

Punungkahoy ng buhay ang dilang mahinahon, ngunit nakakasira ng espiritu ang kalikuan niyon.

Kung walang payo mga panukala'y nawawalang-saysay, ngunit sa dami ng mga tagapayo sila'y nagtatagumpay.

Ang masayang puso ay nagpapasaya ng mukha, ngunit sa kapanglawan ng puso ay nababagbag ang diwa.

Ang mga mata ng PANGINOON ay nasa bawat panig, sa masama at sa mabuti ay nagmamasid.

Mas mabuti ang kaunti kung may takot sa PANGINOON, kaysa malaking kayamanan na may kaguluhan doon.

Ang mainiting tao ay nag-uudyok ng pagtatalo, ngunit siyang makupad sa galit ay nagpapahupa ng gulo.

Ang puso ng matuwid ay nag-iisip ng isasagot, ngunit ang bibig ng masama ay masasama ang ibinubuhos.