Versículos más leídos de la Biblia MGA KAWIKAAN 11

Compartir

Ang taong mapagbigay ay payayamanin, at siyang nagdidilig ay didiligin din.

May taong nagbibigay ng masagana at lalo pang yumayaman, may nagkakait ng dapat ibigay, ngunit naghihirap lamang.

Kapag dumarating ang pagmamataas ay dumarating din ang kahihiyan; ngunit kasama ng mapagpakumbaba ay ang karunungan.

Kung saan walang patnubay, bumabagsak ang bayan; ngunit sa karamihan ng mga tagapayo ay mayroong kaligtasan.

Ang bunga ng matuwid ay punungkahoy ng buhay; at ang humihikayat ng kaluluwa ay may karunungan.

Ang gumagalang tagapagdala ng tsismis, mga lihim ay inihahayag, ngunit nakapagtatago ng bagay ang may espiritung tapat.

Ang taong mabait ay gumagawa ng mabuti sa kanyang sarili, ngunit ang taong malupit ay nananakit sa kanyang sarili.

Siyang nagtitiwala sa kanyang mga kayamanan ay mabubuwal, ngunit ang matuwid ay mamumukadkad na parang dahong luntian.

Ang mga kayamanan ay walang kabuluhan sa araw ng kapootan, ngunit ang katuwiran ay nagliligtas sa kamatayan.

Ang katapatan ng mga matuwid ang pumapatnubay sa kanila, ngunit ang kalikuan ng mga taksil ang sa kanila'y sumisira.

Tulad ng singsing na ginto sa nguso ng baboy, gayon ang isang magandang babae na walang dunong.

Kasuklamsuklam sa PANGINOON ang madayang timbangan, ngunit ang tamang timbangan ay kanyang kasiyahan.