Versículos más leídos de la Biblia Mga Binuhatan 1

Compartir

Pero sa pag-abot sang Espiritu Santo sa inyo magabaton kamo sing gahom kag manginsaksi ko kamo sa Jerusalem, sa bug-os nga Judea kag Samaria, kag sa bug-os nga kalibutan.”

Nagsabat si Jesus sa ila, “Indi para sa inyo ang paghibalo kon san-o ini mahanabo, kay ang akon Amay amo lamang ang may gahom sa pagtalana sang mga panag-on kag sang mga magakahanabo.

Sang pagtipon nila, ginmanduan sila ni Jesus: “Indi kamo maghalin sa Jerusalem, kundi hulaton ninyo ang ginsaad sang akon Amay sa inyo nga ginsiling ko na sa inyo. Si Juan nagpangbautiso paagi sa tubig, pero sa pila ka adlaw pagabautisohan kamo paagi sa Espiritu Santo.”

Sa sulod sang kwarenta ka adlaw sa tapos sang iya pagkamatay, nagpakita sia sa ila sa madamo nga beses, sa indi mapanghiwala nga mga pagpamatuod nga buhi sia. Nakita nila sia kag naghambal sia sa ila nahanungod sang paghari sang Dios.

Sa tapos niya mahambal ini gindala sia pakadto sa langit samtang nagatan-aw sila sa iya, kag ginlikupan sia sang panganod tubtob indi na nila sia makita.

Sang nagatangla pa sila sa langit, samtang nagapaibabaw sia, sa hinali may nagtindog sa tupad nila nga duha ka tawo nga nagabayo sing puti kag nagsiling sa ila, “Mga taga-Galilea, ngaa bala nagatindog kamo dira kag nagatangla sa langit? Ining Jesus nga ginkuha sa inyo kag gindala pa langit, magabalik liwat sa amo man nga paagi nga nakita ninyo sia nga nagpalangit.”