Versículos más leídos de la Biblia Matááyo 28

Compartir

Aaléka, sedhíe, kidh met lulle lalichú hoyyíe. Gáál bie gim ki náa, giri gaal fargogint ˈJaa chia úr ijoká ubaa yáá Ínyííllá, tá Hím Naasan Waaˈgiet gim gaa ijoká. Itín he lullé yú hí kí mureká gáál onisía, gaal hí he onisinychú chirat. Yú yáá bar lulle ke hol ˈguo, ˈjíig biiy el ˈdáˈdle đig, Yíésu hí lalille yie.

Aalé Yíésu lalille kí ˈjobondhe, mu gáál geey, kieye, He lullé uratiká ubaa he lullé lesietká hé Waag hí ye mé ki koyye.

Aalé máá ˈgasso-, urru kinaal mú María geey, kieye, Haí seerêny! Itín hát hí Yíésu gaalí ˈgór đarám yaalká ˈdú yieská hí ˈdu gáá chimieká yáá óg. Tá mu hé ˈguoˈd gaa láʼ. Mu hát giri hodheká hé ˈduway, mú hé Waag hí loolnoyche, uushich yé gaa ˈdie. Ka yimedhíe, mu állé iifeká dhaayyíe.

Aalé Yíésu ˈdég geey, kieye, Haí seerêny! Sedhíe, nyaaramchú geeyyíe, gaal hí Galilááya siet, lés kinaallá in nyí gáál hol gaa aargiˈda, muí ˈdég yie.

Aalé gál guguđo-, suoryoká ubaa gál káruká hol fayaméél geeyká, hol ˈdéé af gáá maale, gaal gál yuoyóká bíre ˈdáb guđoká les ki fie, kieye, Hé gálaat hí geđicha-, hí hogotoká hééllá. Itín hatallá yiedhíe, Nyiin chúúre-, ram nyí eeteká, mú lalille ká chimie, nyí mú gaa buraayye, yiedhíe. Har fayamééllá máá les mé ki yaalká hí maaleka, nyííni nyí mú hol ká geđicha, it hé níínní ˈdeew muí ki ekemeyoká mán, gaalí yuoy yie. Aalé yuoy bíre kinaal eete, hát gál guguđo kinaal hí geeyká el gaa veeˈde. ˈDeeny hódhóóllá lés gál Yuuˈdi geerle lulle bash ki yie, ˈjíig káána ki gaa ijóóllá hé hátle gálaat hí hogodho.