Versículos más leídos de la Biblia NUMEROS 14

Compartir

Apan lamang, ayaw kamo pagpakigbatok sa GINOO. Ug ayaw kahadlok sa katawhan nianang yutaa kay sila pan alang kanato. Ang ilang mga panalipod kuhaon gikan kanila, ug ang GINOO uban kanato busa ayaw sila kahadloki.”

‘Ang GINOO hinay sa kasuko ug madagayaon sa gugmang walay paglubad, nagpasaylo sa kasal-anan ug sa kalapasan ug nga dili gayod magpakamatarong sa tawong sad-an, naghinumdom siya sa sala sa mga amahan diha sa mga anak, diha sa ikatulo ug diha sa ikaupat nga kaliwatan.’

Kon ang GINOO nahimuot kanato, pasudlon gayod kita niya sa maong yuta ug kini ihatag niya kanato, usa ka yuta diin nag-agas ang gatas ug dugos.

Apan ang akong alagad nga si Caleb, kay siya adunay lahi nga espiritu ug sa hingpit nagsunod kanako, pasudlon nako ngadto sa yuta diin siya misulod, ug ang iyang kaliwatan manag-iya niini.

Sultihi sila, ‘Ingon nga ako buhi,’ nag-ingon ang GINOO, ‘unsay inyong gisulti sa akong pangdungog, mao ang buhaton nako kaninyo

Ug ang GINOO miingon kang Moises, “Hangtod kanus-a ba nga magtamay kanako kining mga tawhana? Ug hangtod kanus-a ba nga sila dili motuo kanako bisan sa tanang mga ilhanan nga akong gibuhat sa taliwala nila?

Ug ang tanang katawhan sa Israel nagbagulbol batok kang Moises ug batok kang Aaron, ug ang tibuok nga katilingban miingon kanila, “Maayo pa unta ug nangamatay kami didto sa yuta sa Ehipto! O maayo pa unta ug nangamatay kami niining kamingawan!

Ug si Josue nga anak ni Nun ug si Caleb nga anak ni Jefone, nga kauban niadtong mga naniid sa yuta, migisi sa ilang mga bisti ug misulti sila ngadto sa tibuok nga katilingban sa katawhan sa Israel, nga nag-ingon, “Ang yuta nga among gilatas aron sa pagpaniid usa ka yuta nga maayo kaayo.

Apan sa pagkatinuod gayod, ingon nga ako buhi, ug ingon nga ang himaya sa GINOO nagpuno sa tibuok kayutaan, kadtong tanang mga tawo nga nakakita sa akong himaya ug sa mga ilhanan nga akong gihimo didto sa Ehipto ug didto sa kamingawan nagsulay man kanako sa napulo na ka higayon ug wala mamati sa akong tingog, sila dili gayod makakita sa yuta nga gipanumpa nako sa ilang katigulangan o bisan kinsa kanila nga nagtamay kanako dili makakita niini.