Versículos más leídos de la Biblia Romanus 11

Compartir

Mmanawa madikte ariknebdi ayipa kuwis Uhokri gidahan. Madikte humaw giwntak Uhokri. Madikte humaw givitimpi Uhokri. Madikte humaw gidahan Uhokri. Kibeyne gidahan Uhokri adahan avanenekwa! Ameh!

Kibeyne gidahan Uhokri. Ig ka gannusima. Ig ka aynsima gihiyekemni. Ka gihiyekemnisima ig. Wis ka hiya wisma pukuhpa ku pariye gikehni ine ku pariye gihiyekemni.

Yuma pahavwinema hiyeg hiya asamanak adahan pukuhpa madikte Uhokri gihiyekemni. Yuma pahavwinema hiyeg kannuh iki hiyakemniki git Uhokri.

Kuri avim inin in hawata ke minikwakbe. Ig Uhokri bayehe gidahanwa gaytakkis hiyeg izhaewyenevwi adahan igkis misakwa gikak Uhokri. He gamnihkakkisnenwa ig kaniyvigkis. Ig kaniygikis ka awakuma gikehbetankisma kabayka, heneme awaku gamnihra. Wake ig kaniyvigkis awaku gikehbetankis kabaykabe, nikwekam ini gamnihra ka inyewatma amnihka.

Hiyeg judeyenevwi kewa pahakti amutri “oliveg” adugbe ku pariye gidahan Uhokri. Yisme hiyeg kane judeyenevwima yis ke ahbe akamribe. Ku akak inin ka aynsima judeyenevwi avawyewa giw Uhokri. In ke wotbe egu ah adug ku pariye gidahan Uhokri in ke wotbe gutawnibdi tigehpikabe. Yisme hiyeg kane judeyenevwima in ke wotbe yis hamahkiskabe atere guminat. Ku akak inin yis ke wotbe yis tarakwabe gitawnaptakkis judeyenevwi yis iwenebe gawaygikis. Nikwe ka yi muwaka ikaw kabaytema giwkis hiyeg judeyenevwi. Pariyenekay adahan yis keh yiwanti hene? Yis he atawnibdinen. Igkisme hiyeg judeyenevwi igkis humaw ke akatbe yidahan. Ka yisma akamaxten akat. Kawa. Wake judeyenevwi yumahbe, kitkama yis hamahkiskankam?