1
Joawh 14:27
Uhokri Gahegbetawni Nukune akak Sawmus
pluPB
— Nah ikisyi akak ini nukanuh yit kariswahwaki. Nah kariswehse yihiyekemni kahadbe yis misakwa hawata ke nahbe, yiyakni karisaw. Nah kariswehse yihiyekemni inyewa, ka kema hiyeg amedgenema inin. Ka yi muwaka barukiswa. Ka yi isaksa aviska parak abetit yihiyekemni.
Comparar
Explorar Joawh 14:27
2
Joawh 14:6
Igme Kiyavwiye Jesus kaytwa giwn: — Nahnewa ahin keh yis danuh git Uhokri. Nahnewa hiyakkis Uhokri gihiyekemni inyewatnene yit. Nahnewa keh yis aymuhwa gimun Uhokri adahan avanenekwa. Wake ka nahma, yumahkam hiyeg danuhne git Wigwiy. Nahnewa ku pariye ahin atere git. Yuma nawenyewa ahin akiw.
Explorar Joawh 14:6
3
Joawh 14:1
Ayteke ig awna gitkis akiw: — Ka yi muwaka barukiswa nuharit. Ka yi muwaka avis. Kamaxwanabay givitit Uhokri. Kamaxwanabay nuvitit hawata.
Explorar Joawh 14:1
4
Joawh 14:26
Heneme aysawnemenek Wigwiy awahkis Gitipnek nuwenyan adahan igme yikannuhten amin madikte hiyakemniki. Igi yawayghetninek. Ig kiyekisnek yit madikte inakni ku pariye nuwnuh yit. Ig keh yis pukuhpinek.
Explorar Joawh 14:26
5
Joawh 14:21
Ku pahavwi timap nuwnuh, ku ig iha nuwnuh, ignewa ku pariye batekye nukakuh. Ku pahavwi batekye nukakuh, nikwe Wigwiy batekye gikak. Nah hawata nah batek gikak, nah hiyakkiswa git.
Explorar Joawh 14:21
6
Joawh 14:16-17
Nahme ayap git Wigwiy adahan ig awahkis pahavwi nuwenyan adahan yawayghetninek. Igme yawayghetni misakwa yikaknek adahan avanenekwa. Igi Uhokri Gitip. Ig avanenekwa ekkene ku pariye hiyakemniki inyewatnene. Hiyeg kane Uhokriyanvuma igkis ka hiya igkisma amavig mmanawa igkis ka hiyavgi, igkis ka hiyakgi ku pariyene ig. Yisme hiyaknig ku pariyene ig mmanawa ig misakwa ay yikak. Aysawnemenek ig misakwa ay yivitnek.
Explorar Joawh 14:16-17
7
Joawh 14:13-14
Avim ini ku pariye yayapni nutuh nuwavrik nah ikini yitnek, kahadbe ig Wigwiy kiyathaka awaku ini ku pariye nukanuh yit. Madikte ku pariye yayapni nutuh nuwavrik nah ikini yitnek.
Explorar Joawh 14:13-14
8
Joawh 14:15
— Ku yis batek nukakuh, ihpanabay nuwnuh.
Explorar Joawh 14:15
9
Joawh 14:2
Ka aynsima iwetrit aynte gimun Wigwiy. Wake yuma iwetrit aygebe, nikwekam nah ka awnakam inakni hene. Nah atak ahegbetevye yiwetri yavit.
Explorar Joawh 14:2
10
Joawh 14:3
Ku yis hiyap nah tivik ahegbetevye yiwetri yavit, atannewa nah diyuh akiw adahan yiwepten aterenek kahadbe ku kiney nah misakwa aygwata yis misakwa.
Explorar Joawh 14:3
11
Joawh 14:5
Ig Tome timapni hene, ig awna git: — Kiyavwiye, usuh ka hiyak ku kitwiye pis. Mmah ahiyaka ahin wotuh?
Explorar Joawh 14:5