Versículos más leídos de la Biblia Efesyus 2

Compartir

Ignewa Kiyavwiye Uhokri ku pariye keh wixwiy kibeyne. Ig keh wixwiy humaw amadga inin adahanikwa wixwiy kehne ku pariye kabaykanen. Pitatye wixwiy ka keh ini kabayka. Ig hiyapni hene, ig keh uhiyekemniwiy humaw nukunewa akiw ku samah wixwiy pahavwiwa gikak Cristo. Mmanawa humawkariwka ig ikiswanaw udahanwiy adahan wixwiy kehne ini ku pariye kabaykanenwa.

Innewa gamnihra keh wixwiy isahptaw ariw uvathawniwiy awaku ku samah wixwiy kamaxwene givitit Cristo. In ka ariwntakma umaviswanwiy wowntaknema. In ayta giwntak Kiyavwiye Uhokri. In gikan wotwiy he wamnihkawiynen. Kawki ukehbetanwiyma kabayka keh wixwiy danuh git Kiyavwiye Uhokri. Nikwe ka ik adahan wixwiy ikaw ku wixwiy kibeyne wowntekneyma.

Heneme, kibeyne, ig Kiyavwiye Uhokri ka gamnihrasima. Ig batek ukakwiy mpinevevye. Ig batek ukakwiy he avim ini ku aysaw wixwiy miyaravye giw awaku uvathawniwiy. Inneki keh ig kannikasevwiy ariw ini miyaka payak gikak Cristo amun ini ku aysaw ig kannikasevgi ariw gimiremni. Wixwiy ka kiseweknema adahan ig amnihwiy, heneme he wamnihkawiynen ig amnihpewiy.

Ig ke wotbe ig kuwis iwevwiybe inurikut payak gikak Cristo. Ayge nikwe ig keh wixwiy kumadukanek payak gikak Cristo aynte inurik awaku ku samah wixwiy pahavwiwa gikak Cristo.

Kuri yis hiyeg kane judeyenevwima yis ka nawotunyema git Kiyavwiye Uhokri akiw. Yis kawnata nawotunyema ariw inurik. Heneme yis inurikyenevwi payak gikakkis madikte Kiyavwiye Uhokri gihiyegavu barewvityevwi. Yis Kiyavwiye Uhokri gihiyegavu kuri. Madikte Kiyavwiye Uhokri gihiyegavu igkis kewa paha paytbe gidahan Kiyavwiye Uhokri. Neras Uhokri gawnevevu pitatyevwi gikakkis Uhokri giwatnivwi igkis humaw kewa ini payt awakube. Igme Jesus Cristo ig humaw ke payt akoksabe ku pariye pi awaygte ariw madikte. Wixwiyme humaw ke abukabetbe ke avinvitbe ku pariye wagahkisbetaki givititkis.