Versículos más leídos de la Biblia Matìyò 13

Compartir

Ngwaʼa tsen yì a ghə̀ mfəŋkə a nse jùŋ dìʼ to nə̀ viʼi vyi a və zhʉ kənyʉ̀ kə Nyìngòŋ ə nkɨ kənyʉ̀ kì a kə gàʼà. Kə kumə ashɨ ghoʼoghə a ntsìnə̀sə viʼi vətsenvə ə̀ kumə ashɨ tyetəghə a ntsìnə̀sə vətsenvə.”

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Viʼi vi a və zhʉ ntɨm kùmə̀ soʼ Fòyn Nyìngòŋ kò və lù nkɨ dìʼ to nə̀ ashɨ ngwàʼ yi a ghə̀ fəŋkə a kəghʉ̀ kə ji lì vəwenə zhʉ Deblə̀ vì soʼ lu nə̀ kəwenkə fà vəwenə a tətyɨm.

Wìʼ yì a ghə̀ zhʉ kənyʉ̀ kə Nyìngòŋ ghə̀ zàŋsə byɨmə tò byɨmə nə̀ saŋlə ghə̀ dìʼ to nə̀ ngwàʼ yì a ghə̀ fəŋkə a təwu lì. Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Yesò gàʼ la, “Soʼ Fòyn Nyìngòŋ diʼ tò nə̀ ghoʼ tsenghə a wìʼ ndyʉ̀ kwʉ̀ʼ a sɨm a və nwè ə̀ lyòmtə̀ tsu, ə bwènə̀ pfwo, kənyʉ̀ ki sə fwomə à wen a wèn no nànto, ghə̀ dyʉ̀ ə̀ baʼlə no ghò ayì a ghə̀ nkiʼi ə̀ vì zen sɨm ayi.”

Ashɨ à tsenghə fəŋkə a nse jùŋ ə̀ kwi fosə no a nkàyn ə̀ bi, zaŋsə tsenəvə nkiʼi asaŋ tsu wum, tsenəvə kiʼ asaŋ ntʉfə, tsenəvə kiʼ asaŋ à taʼ”.

Ghə̀ŋ ghʉsə asaŋ ayi nkwi tò a tì kəfʉ̀ʼ əzaʼa fa kətsi a və a fʉ əpfì. A lu ndiʼ a kətsi ayì mà gàʼ à viʼi və pfi və la vəwenə tsuʼ kəfʉ̀ʼ akì a mbì ə̀ kwìʼ a gə̀sə̀ və nè nyùʼ ə mù pfì asaŋ ayi pfwo ghʉ̀ à mò a kàŋ.”