Versículos más leídos de la Biblia Rôm 16

Compartir

Ơi Adai tơlơi rơnŭk rơnua či tañ juă Satan gah yŭ tơkai ƀing gih. Rơkâo tơlơi pap Khua Yang ƀing ta Yêsu Krist dŏ hrŏm hơbĭt hăng ƀing gih.

Ơ ƀing adơi ayŏng, kâo kơwưh kơ ƀing gih, răng bĕ kơ ƀing pơkah pơpha phung laih anŭn ngă tơhnač arăng, pơkơdơ̆ng glaĭ hăng tơlơi pơtô ƀing gih hmâo hrăm laih, weh ataih mơ̆ng ƀing gơñu bĕ.

Yua kơ ƀing mơnuih kar hăng anŭn ƀu mă bruă kơ Krist Khua Yang ƀing ta ôh, samơ̆ mă bruă kơ hlŭng gơñu pô đôč, laih anŭn hăng tơlơi pơhiăp mơmih, hăng tơlơi plư pơhlô̆ gơñu mă pran jua ƀing mơnuih rơgoh hiam.

Pơpŭ bơni kơ Pô dưi pơkơjăp ƀing gih tui hăng Tơlơi Phrâo Hiam kâo laih anŭn tơlơi Yêsu Krist pơtô, tui hăng tơlơi pơrơđah tơlơi yom hơgơ̆m Ơi Adai hmâo pơdŏp laih mơ̆ng đưm adih, samơ̆ ră anai hmâo pơrơđah laih mơ̆ng hră ƀing pô laĭ lui hlâo čih brơi laih kơ abih bang djuai mơnuih thâo, tui hăng tơlơi pơđar mơ̆ng Ơi Adai Pô hơdip hlŏng lar, kiăng ba abih bang djuai mơnuih kơ tơlơi đaŏ laih anŭn gưt. Kơ Ơi Adai, kơnơ̆ng hơjăn Ñu đôč jing Pô kơhnâo, hmâo tơlơi ư-ang amăng abih bang rơnŭk amăng Yêsu Krist hlŏng lar! Amen.