Versículos más leídos de la Biblia Ibriniyawa 4

Compartir

Mat A̱lyiat A̱gwaza na yet a̱chet. A̱wot na̱ si̱ byia̱ chet ba̱t. Na̱ ya á̱ lan tswat ji̱ byia̱ nunu feang ji̱ si̱ ya ba̱t a̱ni, na̱ ni̱ kai á̱ nwuo a̱ka̱wa̱tyia̱ swuan ma̱ng tswa, ma̱ng nkap vam, ma̱ng fwu hu. Na̱ zop a̱di̱dam mi̱ fwuo nzi̱t wu, ma̱ng kyang hu zi̱ chat a̱ni, na̱ ghwut ndyo kpa̱sai.

Mat a̱nia, si̱ zi̱ gbang a̱lyia̱ zi̱ bai a̱zaghyi a̱gba̱ndang chuk Tyok A̱gwaza a̱ byia̱ shok a̱ni ma̱ sa̱t, gu ka fa̱k kunak zi̱t, zi̱ shya̱ shok nggu ji, ji̱ beang zi̱t di̱n jen ji nang zi̱ nchat ji a̱ni.

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Mat a̱nia, nang zi̱ mbyia̱ a̱gba̱ndang pris a̱ swak ma̱ng shi a̱ni, nggu wa ka̱n nwuo Ma A̱gwaza tswazwa, nggu wa yet Yesu, Nggwon A̱gwaza ka; yok zi̱ yong mi̱ chet di̱ nwuak fwuo nzi̱t hu da̱ nggu.

Mat a̱nia, si̱ zi̱ kwan ba̱t zi̱ ka nwuo fwung a̱hwa! A̱wot ki̱ zi̱ lak khwi a̱lyiat A̱gwaza na, ma̱nang á̱niet Isi̱rela ba ku nnyia̱ a̱ni, zi̱ na kwa mut!