Versículos más leídos de la Biblia Dwakam 7

Compartir

A kuteng ki̱ku n da̱ng, ki̱la n ku we kakku mangu, nabwe ki̱tuu ni̱be wu nii a ne yin kide, bi̱bu a chire we ka nang wuwule kuuti ye, n ti ki̱kuwange, n ti ka ki̱ki̱le ki̱fi̱ke, n ti ni̱bu, n ti ka nang wuwule yiiye, a ti we kakku ki̱di̱ng mati̱nangu n ti kakku Kwannangu. A dora kuli̱niti wa̱la̱k n kawure ki̱ni lwangi̱n ti̱kweni we fa̱liyu chiyu.

N chi a bwe keme ko, “Yuku chirengu ki̱chiredu a di̱Kwama, wu a swe a ki̱di̱ng mati̱nange ti̱nti̱n n ti Be Kwane!”

Be Kwane wu a tibe ki̱di̱ng mati̱nange n nang naba tore chi. ka yikadu ki̱ni chi a neti̱bwi mwei. Yinu n Kwama ka musu chimi̱n ti̱mweni nui chintu.”

Di̱ne yiko, N chi a tiran we kakku ki̱di̱ng mati̱nangu, ki̱ma ki̱mi̱n nangang kum n ti kuko we se ko, N ki̱n wu a swe we ki̱di̱ng mati̱nange, n ki̱n ka buli̱m chi ki̱ni ti̱kni dwiyeniyu yinang, ka to ti̱n chidu. N chi a ne nweti̱ chunu we ki̱da, a ne nweti̱ dimwenu we ki̱da, a ne nweti̱ kuko we ki̱da, a neti̱ wuka balbale ka twi ti̱n chide we.

Naba di̱tumbi̱re Kwama a yi ko, ti̱kaiyu ti̱mu we n ti mwetiyu n ti tiyang, lanta yo nang yo di̱mwal kale dukane we kabi̱ni ni̱bu nanga Kwamamu. Yinu n nwe nabwe ni̱be a ya di̱mwal kale dukani̱nu, kuniritu kul ki̱ni ti̱wan taana chiri yana bi̱bu we kutiyi kub chiri yurau yiya Yisrela.