Versículos más leídos de la Biblia ꠔꠃꠞꠣꠔ ১: ꠙꠄꠖꠣ ꠘꠣꠝꠣ 3

Compartir

ꠛꠦꠐꠤꠄ ꠎꠦꠛꠟꠣ ꠛꠥꠎꠟꠣ, ꠅꠃ ꠉꠣꠍꠞ ꠚꠟ ꠈꠣꠁꠔꠦ ꠝꠎꠣ ꠅꠁꠛ, ꠖꠦꠈꠔꠦꠅ ꠡꠥꠘ꠆ꠖꠞ, ꠀꠞ ꠀꠈꠟꠖꠣꠞꠅ ꠅꠁꠎꠤꠝꠥ, ꠅꠃ ꠔꠣꠁꠘ ꠚꠟ ꠙꠣꠠꠤꠀ ꠈꠣꠁꠟꠣ, ꠀꠞ ꠔꠣꠘ ꠎꠣꠝꠣꠁꠞꠦꠅ ꠖꠤꠟꠣ ꠀꠞ ꠎꠣꠝꠣꠁꠄꠅ ꠈꠣꠁꠟꠤꠟꠣ।

ꠝꠣꠛꠥꠖ ꠀꠟ꠆ꠟꠣꠞ ꠙꠄꠖꠣ ꠇꠞꠣ ꠎꠝꠤꠘꠞ ꠢꠇꠟ ꠎꠣꠘꠖꠣꠞꠞ ꠝꠣꠎꠦ ꠢꠣꠚ ꠅꠁꠟ ꠢꠇꠟ ꠕꠣꠇꠤ ꠚꠘ꠆ꠖꠤꠛꠣꠎ। ꠅꠃ ꠢꠣꠚꠦ ꠄꠇꠖꠤꠘ ꠢꠤ ꠛꠦꠐꠤ ꠝꠣꠘꠡꠞꠦ ꠇꠁꠟ, “ꠀꠟ꠆ꠟꠣꠄ ꠢꠣꠍꠣꠃ ꠔꠥꠝꠣꠔꠣꠘꠞꠦ ꠇꠁꠍꠂꠘ ꠘꠤ, ꠛꠣꠉꠣꠘꠞ ꠢꠇꠟ ꠉꠣꠍꠞ ꠚꠟ ꠔꠥꠝꠞꠣ ꠈꠣꠁꠔꠣꠄ ꠙꠣꠞꠔꠣꠄ ꠘꠣꠄ?”

ꠀꠝꠤ ꠔꠥꠝꠣꠞ ꠀꠞ ꠛꠦꠐꠤꠞ ꠝꠣꠎꠦ, ꠔꠥꠝꠣꠞ ꠛꠋꠡ ꠀꠞ ꠛꠦꠐꠤ ꠝꠣꠘꠡꠞ ꠛꠋꠡꠞ ꠝꠣꠎꠦ ꠖꠥꠡꠝꠘꠤ ꠙꠄꠖꠣ ꠇꠞꠝꠥ। ꠢꠤ ꠛꠋꠡꠦ ꠔꠥꠝꠣꠞ ꠇꠟ꠆ꠟꠣ ꠉꠥꠠꠣ ꠇꠞꠛ, ꠀꠞ ꠔꠥꠝꠤ ꠔꠣꠞ ꠙꠣꠅꠞ ꠝꠥꠞꠣꠔ ꠇꠣꠝꠠꠣꠁꠛꠣꠄ।”

ꠀꠞ ꠔꠣꠁꠘ ꠛꠦꠐꠤꠞꠦ ꠇꠁꠟꠣ, “ꠔꠥꠝꠣꠞ ꠢꠥꠞꠥꠔ꠆ꠔꠣ ꠅꠁꠛꠣꠞ ꠡꠝꠄ ꠔꠥꠝꠣꠞ ꠝꠍꠤꠛꠔ ꠈꠥꠛ ꠛꠣꠠꠣꠁ ꠖꠤꠝꠥ, ꠔꠥꠝꠤ ꠈꠥꠛ ꠇꠡ꠆ꠐ ꠇꠞꠤꠀ ꠢꠥꠞꠥꠔ꠆ꠔꠣ ꠙꠄꠖꠣ ꠇꠞꠛꠣꠄ। ꠎꠣꠝꠣꠁꠞ ꠛꠣꠄ ꠔꠥꠝꠣꠞ ꠈꠥꠛ ꠈꠣꠁꠡ ꠕꠣꠇꠛ, ꠀꠞ ꠢꠦ ꠔꠥꠝꠣꠞ ꠃꠙꠞꠦ ꠛꠦꠐꠣꠉꠤꠞꠤ ꠇꠞꠛ।”

ꠎꠦ ꠝꠣꠐꠤ ꠕꠣꠇꠤ ꠔꠥꠝꠣꠞꠦ ꠙꠄꠖꠣ ꠇꠞꠍꠟꠣꠝ, ꠢꠃ ꠝꠣꠐꠤꠔ ꠚꠤꠞꠤꠀ ꠘꠣ ꠎꠣꠅꠀ ꠙꠞ꠆ꠎꠘ꠆ꠔ ꠔꠥꠝꠣꠞ ꠝꠣꠕꠣꠞ ꠊꠣꠝ ꠙꠣꠅꠔ ꠚꠣꠟꠣꠁꠀ ꠈꠣꠘꠤ ꠈꠣꠁꠛꠣꠄ। ꠔꠥꠝꠣꠞ ꠝꠣꠐꠤꠞ ꠡꠞꠤꠟ, ꠝꠣꠐꠤꠔꠃ ꠝꠤꠡꠤꠎꠤꠛ।”

ꠔꠣꠁꠘ ꠀꠖꠝꠞꠦ ꠇꠁꠟꠣ, “ꠎꠦ ꠉꠣꠍꠞ ꠚꠟ ꠀꠝꠤ ꠢꠣꠞꠣꠝ ꠇꠞꠤꠀ ꠖꠤꠍꠟꠣꠝ, ꠔꠥꠝꠤ ꠔꠥꠝꠣꠞ ꠛꠃꠞ ꠇꠕꠣ ꠢꠥꠘꠤꠀ ꠁꠔꠣ ꠈꠣꠁꠍ, ꠅꠃ ꠇꠣꠞꠘꠦ ꠎꠝꠤꠘꠞꠦ ꠟꠣꠘ꠆ꠘꠔꠤ ꠇꠞꠣ ꠅꠁꠟ। ꠎꠤꠘ꠆ꠖꠦꠉꠤꠜꠞ ꠎꠛꠞ ꠔꠇꠟꠤꠚ ꠇꠞꠤꠀ ꠔꠥꠝꠤ ꠎꠝꠤꠘꠞ ꠚꠡꠟ ꠈꠣꠁꠛꠣꠄ।

ꠔꠦꠃ ꠝꠣꠛꠥꠖ ꠀꠟ꠆ꠟꠣꠄ ꠎꠤꠇꠣꠁꠟꠣ, “ꠔꠥꠝꠤ ꠎꠦ ꠟꠦꠝꠐꠣ ꠇꠦ ꠇꠁꠟ? ꠎꠦ ꠉꠣꠍꠞ ꠚꠟ ꠈꠣꠁꠔꠦ ꠔꠥꠝꠣꠞꠦ ꠘꠣ ꠇꠞꠍꠤꠟꠣꠝ, ꠈꠣꠁꠟꠤꠍ ꠘꠣ ꠇꠤꠔꠣ?”

ꠈꠦꠖꠣꠁ ꠖꠤꠀ ꠔꠣꠁꠘ ꠎꠤꠘ꠆ꠖꠦꠉꠤ-ꠉꠣꠍꠞ ꠉꠦꠍꠦ ꠎꠣꠅꠀꠞ ꠙꠕ ꠙꠣꠞꠣ ꠖꠦꠅꠀꠞ ꠟꠣꠉꠤ ꠀꠖꠣꠘ ꠛꠣꠉꠣꠘꠞ ꠙꠥꠛꠦꠖꠤ ꠇꠣꠞꠥꠛꠤ ꠚꠤꠞꠤꠡ꠆ꠔꠣ ꠅꠇꠟ ꠞꠣꠈꠟꠣ ꠀꠞ ꠀꠉꠥꠁꠘꠞ ꠔꠟꠥꠀꠞꠅ ꠊꠥꠞꠣꠘꠤꠔ ꠞꠣꠈꠟꠣ।

ꠀꠖꠝꠦ ꠔꠣꠘ ꠛꠤꠛꠤꠞ ꠘꠣꠝ ꠞꠣꠈꠟꠣ ꠢꠣꠅꠀ [ꠝꠣꠘꠤ, ꠎꠤꠘ꠆ꠖꠦꠉꠤ-ꠖꠦꠅꠞꠣ], ꠇꠣꠞꠘ ꠔꠣꠁꠘ ꠢꠇꠟ ꠎꠤꠘ꠆ꠖꠣ ꠝꠣꠘꠡꠞ ꠝꠣ ꠅꠁꠛꠣ।