Versículos más leídos de la Biblia Kolosae 3

Compartir

Mamu variva taleosae pa tataru. Be keke koa gamu si lopu qetu nia sa si keke turaṉana, si mani taleoso nia. Madi variva taleosae, gua sapu taleosoni gamu sa Baṉara.

Ke mi va soto la i sari na mia binalabala koari na tiṉitoṉa panaulu, ba lopu koari na tiṉitoṉa pa pepeso.

Gua sapu tavetia gamu si mi tavetia pa doduru bulomia, guana sapu tavetavete ponia gamu sa Baṉara, lopu koari na tie mo.

Gamu si na tie te Tamasa; madi mia, na ele tataruni gamu na vizata gamu Sa pude Nana telena. Ke gua asa, si mi tagoa sa tataru variva tukana, na vinaritokae, na vinapepekae, meke na ṉinoṉo.

Mani koa zoṉazoṉa pa bulomia gamu sa zinama te Karisito. Mi variva tumatumae ni sari na ginilagilana. Mi kera ni sari na Sam meke na kinera vinahesi, mi kera zama leana la koe Tamasa pa bulomia. Sari doduru tiṉitoṉa pu evaṉi gamu, si mi taveti pa korapa pozana e Zisu sa Baṉara, pana zama leana si gamu koasa Tamasa sa Tamada pa korapana Sa.

Meke koari doduru lineana hire, si mi va somania sa tataru, sapu pusi varigara ni sari doduru hire pa kineke hinokara.

Ele tava toa pule turaṉae koe Karisito si gamu, ke gua asa si mi va soto la i sari na bulomia koari na tiṉitoṉa pa Maṉauru, vasina pu habotu pa Nana habohabotuana Baṉara se Karisito pa kali mataona sa Tamasa

Mamu va malumia sa binule te Karisito pude koa baṉara pa bulo mia, sina koasa binule hie si tioko varigara ni gamu Tamasa si gamu pa keke tini. Ke mamu zama leana doduru totoso.

Ego, mi va matei sari kukurudi rina mia tinoa saripu soto koari na kinaleadi tanisa pepeso, saripu gua na vinari riqihi, na binalabala bonidi, na inokoro sea, na tinaṉaziri, meke na pinuhi sapu kekeṉoṉo guana vinahesi beku.

Ura ele mate si gamu, meke sari mia tinoa hinokara si ele ta tome somanae koe Karisito pa korapana sa Tamasa.

Ba kamahire si mi luara beto pani si hire: sari na binugoro, na tinaṉaziri, na kinukiti. Loke zinutuzutu kokoha, na zinama kaleadi, saripu hopena pude zamani, si kaqu vura pa beru mia.

Mi lopu vari zama kokohai, sina ele luara pania gamu sa tinoa koana asa, meke sari nana tinavete. Meke ele tagoa gamu sa tinoa vaqura. Hie tugo sa tinoa vaqura sapu ta kuri koe Tamasa sapu va podakana sa kasia popoa, meke sapu korapa va vaqura pulea sa kinehana soti, pude boka toqolo sage si gamu pa ginilagilanana sa Tamasa.

Gamu na palabatu, mi tataru ni tugo sari mia barikaleqe, mi lopu hidaki.

Gamu na koburu, mi va tabei sari tiatamamia koari doduru tiṉitoṉa, ura gua asa si qetu nia sa Tamasa.

Gamu na barikaleqe si mi va tabei sari mia palabatu, ura gua tu asa si leana pude tavetia gamu na tie te Karisito.