Versículos más leídos de la Biblia Angtawtha 1

Compartir

Tungaila Muilaw Käcai nang ce tea tyng te kätü-a, nang ce lä haidae na dang kha Jerusalem märü, Judae khö angxynlyng hai Samari khö, khöteng täki khytä, khimi ce tea kai üng angthang thui ö ai” näpa.

Isu ma angtawtha na tea “Ä-ai Säthaw lä aenae äma üng aely ngai te kätyng kätü käni na khai pa te nang ce lä mäny haw y lyng.

Känitä-a, Isu lä angtawtha na hai mangtä awng ea “Nang ce Jerusalem märü üng ly ö ja hang. Ä-ai ma mätaw he aedo saite Muilaw Käcai tea aering kha awng ö. Honi phüng na kai ma nang ce tea thui pyng te thai ö vi dy. Baptismae Johan lä tui hai baptismae py dy. Tungaila käni qae y tea Säthaw ma Muilaw Käcai hai baptismae py vi ai” näpa.

Isu lä mätang kha dü pyng ea angtawtha na tea käni ruibälitä ämaw aetüng kha äma lä hing kha awng haile te mäny hethang äma bung mätü leilae pa. Isu lä angtawtha na tea Säthaw üng pre phüng thui pa.

Älo thui pyng ea angtawtha na üng ämi känung-a Säthaw ma äni bung Känipre mang-a nähaija pa vi dy. Tämai ma khu kha angtawtha na lä äni bung nung ö y vi dy.

Angtawtha na lä käni mang-a kheng kha awng ea, känih kanglung aekhu saite Känipre Säthaw üng angtawtha lawng netä lä äni ce tea aetüng pa vi. Äni ce ma “Kalile khimi ce ä, ätephüng-a aedaw kha käni mang-a kheng ö te vi mei. Känipre-a paw saite Isu bung nung te kätyng äni lä äbaeni cäqa haile vi ai” näkha thui pa.