Versículos más leídos de la Biblia Aesea 6

Compartir

Evus, naraengon Iahova selus vit, “?Nisila sei? ?Isei hehi provet onomai?” Sakini naviteni navit, “!Inau ke! !Sila nau!”

Ka navong amuka, avisohiso va min keil eris avit, “!Votut, votut, votut! !Iahova, Asuv Houlu ten out nesa, vi votut! Keihoen onen mariso ka sien out netan.”

Navong nalesi, nametau houlu ka naviteni navit, “!Aue li, mamat ke! Selusien vasi keil koa akistal ran ongok romutotei, ka naro luhu en meatin keil koa selusien one mun romutotei en meten Ahi. Anatin eli, navilehilu ka nales Iahova, Asuv Houlu ten out nesa, en metok kati.”

En sua koa asuv houlu Usaea ten out Sudah mat, inau, Aesea, nales Iahova mul rondan en vulin ten keihoen koa mul vina nesa. Kot koa musin eni tetaveah, ka ngolite vita netan sien out neim en Eim Votut onen.

Navong mai, rokol ongok en ahat koa mukan vilhili ka viteni vit, “?Kolesi? Navong narokol ongom en ahat koa mukan vilhili ekek, Ahi sak motein moulien onom ran tisaen keil onom ka sakinuk kirmemoutei mun veni.”

En out koa Iahova mul ien, vati angelo keil koa avise en ‘sereb’ amuka nesa eni ka ave mul vihil houlu. Retai en keil, apoue ahetai (6). En apoue elu, akav koe nae eni; ka en elu mun, akav koe ale tanetan eni; ka en elu mun, amuka eni.

Evus, sereb tai va en ahor koa amunit senta ien, kaeat kat ahat tai koa mukan vilhili rani, ka kuri mai venau.

Sakini, kei viteni minau vit, “Kiha kihiteni min meatin keil ekek kihit, ‘Avaseini mihetaeng heha vis … kami miherlong kilea etai tounah. Avaseini mihelele heha vis … miherlei kilea etai tounah.’

Selusien onom hesakin vatin meatin keil ekek hemai hekeih imok, houmon ralinge hehon ka mete hevar. Veni munak ilei revi en tounah koa numoni en mete, vuo ilong kilea eni en ralinge, keil indem revi ka ihiles ran tisaen keil one ka nimai nikulat mesaien ran moulien one.”