Versículos más leídos de la Biblia Amǝ Mishan 1

Compartir

Sǝa ma, wun ngga wu nǝ̀ kum rǝcandǝa, yi mǝnana ɓǝ̀ Bangŋo Mǝfele sulǝna amur wun ngga. Wu nǝ̀ duk amǝ na cau mem a Urǝshalima, andǝ ɓa nzali Yahudi, andǝ nzali Samariya, andǝ ɓanza kat.”

Pǝlǝa Yesu banggia wia ama, “Kǝ Tárram na nǝmurǝì mǝnana ndanǝ rǝcandǝa mala tsǝk amǝno yì apwari andǝ abaku ka, sǝ à pa ace wun ɓǝ̀ wu surǝia ka ɗang.

Sǝ nda peatu abania ka, banggia wia ama: Wu kǝa nying Urǝshalima ɗang. Wu kundǝo, she ɓǝ̀ Tárram pana wun Bangŋo Mǝfele mǝnana wu oem ǝn na nǝma, bangŋa ama nǝ̀ pa wun ngga. Yohana ka pakki aɓwana batisǝma nǝ múr, sǝ banì pà nǝ̀ sau ɗang aɓalǝ anonggeo bǝti ka, à nǝ̀ pakka wun batisǝma nǝ Bangŋo Mǝfele.

Anzǝm tanni andǝ lú mala Yesu ka, yi long nǝ yilǝmu ɗǝm. Aɓalǝ anongŋo lumi-ine, pusǝrǝi kusǝ pas aban alaggana male, arǝ anjar ɗàngɗáng mǝnana lǝmndǝia wia ama kàngkàng longŋǝna ndanǝ yilǝmu ka. À sǝni nǝ mǝsǝia sǝ bangcau nǝia amur Domurǝm mala Ɓakuli.

Anzǝm mǝnana Yesu naná cau anggo ka, àkǝ̀ mǝsǝia à nda rǝ sǝne, kara à twali aban ká o a kuli. Kya ko aɓa pǝrɓang, à gandǝ sǝne ɗǝm ɗang.

Lang à nda rǝ tsǝk mǝsǝia piu a kuli aban sǝn o male ka, kara aɓwana ɓari nǝ agirkuro mǝpwasǝe, à pusǝ rǝia aban came abania. Sǝ à bangŋa ama, “Wun amǝ Galili, palang sǝ wu cam kani aban sǝnban a kuli? Mǝnia yì Yesu à twali arǝ wun aban ká kuli ka, nǝ̀ ngga nyare kǝla mǝno wu sǝni aban o a kuli ka.”