Versículos más leídos de la Biblia ROOM DIMA 6

Compartir

Dama Ala'akyi yoori yoori n‑tiri ka tuntumniba, ka lala yoori nyɛ la kum. Amaa Naawunni mun tiri la u piini yɔriyɔri, ka lala piini nyɛ la nyɔvuri kan ka tɔriga, Kirisita Yisa ti Dugma saani.

Dinŋɔna Ala'akyi ku laa n‑nyɛ ya dugma, dama zaaligu maa bu su ya yɛla, amaa ka Naawunni piinisuma tuma n su ya.

Din laa m‑paasi, ban daa su ti koom ni ti ti paasi Yisa zugu n‑kpi maa, ba daa zaŋŋi ti m‑paasi u zugu n‑sɔ'ai. Ka di gbinni nyɛ la nŋɔa: ni, ti Ba Naawunni gyirima yiiko daa kyɛ ka Yisa doaai kum ni; ka di zugu lala kyɛ ka ti gba doaai nti bɛ beesipaalli.

Ya di laa n‑zaŋŋi ya ningbina luga zaa n‑tiri Tumbeoo, ka a ti leebi Tumbeoo tuma neema. Amaa ya zaŋŋma ya ningbina luga zaa n‑tiri Naawunni ka a ti leebi u yɛlimaŋni tuma neema, dama ya nyɛ la seeba ban pun neaai kum ni.

Ka ti mi, ni, ti beesikura la ka ba daa zaŋŋi n‑la'am m‑paasi Masiiya zugu n‑kpaasi n‑tabli dɔpulli zugu, ni lala kyɛ ka ti beesikura ningbina nin sa'am m‑basi, Tumbeoo ŋɔn su a yɛla zaa maa zugu. Dinŋɔna ti ningbina ku laa n‑nyɛ seesi Ala'akyi ŋɔn su hoo ban su daaba seem maa.

Tɔ, ka dizugu ya gba teesima ya mansi yɛla lala. Ni, ya gba pun kpi zaŋŋi n‑kyaŋŋi Tumbeoo yiiko ni, ka mari nyɔvuri n‑ti Naawunni, yan la'am m‑bɛ Kirisita Yisa saani zugu.

Tɔ; dinŋɔna ti ya yɛli la wula? Ni, ti kpalimma n‑tumni tumbeeri ni ti ti kyɛ ka Naawunni piinisuma zoaari m‑paasira? Ay! - di pa lala. Ti nyɛ la ninvugseeba ban pun kpi zaŋŋi n‑kyaŋŋi Tumbeoo yiiko yɛla ni. Ka wula zugu ka ti nin laa m‑bɛ tumbeeri tumpu ni?

Ya bu mi daaba yɛla ŋɔn bɛ seem? Ya yi zaŋŋi ya mansi n‑ti sɔ ni ya leebi u daaba ka wumni u noori, ŋɔnŋɔ n leebi ya dugma ka ya kur nyɛ la yan deaai sɔ noori wa daaba. Sɔya ayi m bɛ ni#:- bee, ya nin deaai Tumbeoo noori nti nya kum; bee, Naawunni noori wumpu soori ka ya nin deaai nti paai yɛlimaŋni zaaziiya.

Amaa ti puusiri Naawunni barika! Dama ni ya daa bɛ Ala'akyi suulinsi ni n‑wumni Tumbeoo yɛligu hoo daaba maa zaa, ya daa wum yɛlimaŋni mooligu la ka doaai n‑takki ya sufu ni teesa ka sakki n‑deaai wulisigu maa. Ka ya daa laa n‑yi Ala'akyi suulinsi ni na, ka leebi Yɛlimaŋni ŋɔn su seeba.