Versículos más leídos de la Biblia Lom 6

Compartir

Yááŋa anyíaʼo, bɛnamá e bí ŋeé húle a nyɛkɛla nyɛ́ bɛɛbɛ́ bɛ́ bɛsana áŋa owé, mbá nyiínjie nyɛ́ Bandɔ́mɛsɛ́ a yááyɛ́ yaála yí nuubo áŋa yɔɔ́sɔɔ́sɔ yí olíhe yí ekúlú ekime e nyimónjóló ne uusú Otéŋí a Waáŋá Yésus Kilís.

Ɛ́ɛhɛ́ ɔkɛlaka bɛɛbɛ́ bɛ́ bɛsana tɛ ɔ́mɔ́ nyɛmána wú ɔ háná ɔbámɔ́kɔ́nɛ́na e úúnú olíhe noómi te butíkítíki, anyía *bikotí tɛ ŋá háná a banɔ́ mánɛna ; mbá yaála yí nuubo yɛ́ Bandɔ́mɛsɛ́ yɛ́ ŋaá banɔ́ mánɛna aámbáya.

Tua sɔ́ŋa aná háyɛ e benyiénú ne wuúci o *obíótíne ú nyɛlatana nyí nyimónjóló ne uuyé owé, ananyía tú o búle líhe yɔɔ́sɔɔ́sɔ yí olíhe, bɔkɔ búmɔtɛ́ háyɛ Kilís ŋaá háányua e biwéewé e elime cɛ makɛ́nda me nuúmi ma ciayɛ́ Síkíne.

Nuti túné bíínjie ɔ ɔkɛlaka tɔ́na bɛɛbɛ́ bɛ́ bɛsana, mbá énu bíínjíékine ná Bandɔ́mɛsɛ́ bímuócí ; anyía nua nɔ́ŋa baacɔ e bé ŋe bú wéékúne, bɔ́ háanyuaka e biwéewé. Énu bíínjíékíne nááyá banɔ́ bɛ́muátá bekimekime ɔ ɔkɛla anyía wá banɔ́ kílísíki bɛmbányɛ bɛ́ bɛsana.

Túá lɔ́kɔ́ma aná : Ekúlú eyí Yésus Kilís ŋeé wé waátákɛ́nánɔ́ ɔ ɔmbásá ɔ ɔmuaná, Bandɔ́mɛsɛ́ ŋa yáátákɛ́ná tɔ́na ɔ ɔmbásá yáásɔ́ aabɛ́ yɛ́ nyɛbɛ́kɛ́lɛ́na nyɛ́ buáyá ɔlɔŋɔ ne Yésus Kilís, o o nyiínyi menyísi, tu tɛ háná bámɔ́kɔ́na bɛɔ́lɛ́ bɛ́ bɔɔbɛ́.

Híáná, banɔ́ tɔ́na, énu bíhíítéke háyɛ e bewéékúnénú a nyɛkɛla nyɛ́ bɛsana a bɛɛbɛ́, mbá háyɛ nua nɔ́ŋa bɔɔ́sɔ a asana a yɛ́ ŋa lɛca Bandɔ́mɛsɛ́, anyía nua nɔ́ŋa e nyimónjóló ne Yésus Kilís.

Mbá aátɛ́ tua sɔ́ŋa tu obíóndísínyi ɔkɔɔna aná e ? Ɔ́kɔ, tu ŋa sɔ́ nyɛmána tu ɔcɔbaka ne buúse ɔ ɔkɛlaka bɛsana a bɛɛbɛ́ ɔ ɔkɛla anyía yaála yí nuubo yɛ́ Bandɔ́mɛsɛ́ é teké ɔ ɔhɔla e ? Eéʼeé, buúse bukime ! Tua sɔáŋa bewéénú a nyɛkɛla nyɛ́ bɔɔbɛ́, mbá anyána tuasɔ́ nyɛmána tú o túné cɔba ne buúse ɔ ɔkɛla bɛsana a bɛɛbɛ́ o olíhe e ?

Nu ŋe nú ményi bɔmbányɛ anyía ɔɔcɔ okime ewú e lumitine obítúé wuúci bɛ́muátá ná ɔɔcɔ o o wuúci lɔ́kɔ́mɛ́na háyɛ yɔɔ́lɛ́ a yáaŋa taaká yɔɔ́lɛ́ yɛ́ ɔɔcɔ oócí. Híáná, mbɔ́kɔ nu ŋa nɔ́ lɔ́kɔ́mɛ́na bɔɔbɛ́, nua nuáŋa bíáyɛ́ bɛɔ́lɛ́ ; owé ŋaá banɔ́ bísúéne ekúlú eéyé. Mbá, mbɔ́kɔ nu ŋa nɔ́ lɔ́kɔ́mɛ́na Bandɔ́mɛsɛ́, nua nuáŋa bíáyɛ́ bɛɔ́lɛ́, u káá banɔ́ kílisiki bɛmbányɛ bɛ́ bɛsana.

Ɔ́kɔ, tɛ́ka tú iínjíékíne Bandɔ́mɛsɛ́ bitéŋíti e ? Banɔ́ abá nu ŋa nɔ́ bá buáyá a buɔ́lɛ́ bɔ́ bɔɔbɛ́, nú ma nɔ́ látákɛ́na aámbáya ne úúnú ɔtɛ́má okime nyiékúnyi anyɛ́ nu ŋa nɔ́ lɔ́kɔ́máká. Bandɔ́mɛsɛ́ ŋaá banɔ́ kátɔ́náka a buɔ́lɛ́ bɔ́ bɔɔbɛ́, nua nuáŋa betiŋékénú háyɛ bɛɔ́lɛ́ ɔ ɔkɛla anyía núánɔ́ látákɛ́na bɛmbányɛ bɛ́ bɛsana.