Versículos más leídos de la Biblia BBƐ 20

Compartir

Ɛ ŋa mɛ́ banɔ́ tóŋgínyi ihényí ikime, anyía ekúlú ayɛ́ tu ŋa sɔ́ nyiɔ aáná, ɛ́ɛhɛ́ tu ŋa sɔ́ bɔ́ŋɔ bɛnyɛ́ma bɛ́ ɔ wɔɔ́lɔ́kɔ bɔsɔ́ɔ́kɔ́ a bá tɛ abɔ́ bá na makɛ́nda, tu bɛ́tááka buhúnyi ebú Otéŋí a Waáŋá Yésus ŋaá kɔɔ́na ɔsɛ : “Ne muínjie ne ooci ewú bé ŋe yiínjie, muínjie mu ŋe ményi e bíléne.” »

Mbá, aá yaŋɔ́ ɛ tɛ ŋá mɛ́ lɛca uumi olíhe háyɛ yaandándá yɛ́ bɔkɔ mbɔ́kɔ i ŋé mi wé ; bɔkɔ ebú bú ŋeé mi bíléníne áŋa anyía yámɛ cɔbá ne buúse o onyíóyísínyi búámɛ bɔsɔ́ma háyɛ yɛ́ ŋaá bɛ́amba, mbá i kuenyinyi ɔnyiɔ buólí abɔ́ Otéŋí a Waáŋá Yésus ŋeé mi iínjíé. Búáŋa anyía yémí hulíkínyi baacɔ Ambányɛ yɛ́ Ɛsɔ́ma yɛ́ yaála yí nuubo yɛ́ Bandɔ́mɛsɛ́.

Yaátɛ́ asana, énu bítétényi banɔ́ bɛ́muátá, nú tétényíki tɔ́na ɛtɔ́mbá ikime ecí Efúúménénú yí Elilé ŋaá banɔ́ iínjíékíne anyía núénú tétényíki. Énu sókóbíki bɔmbányɛ hiɔ́bɔ hí belumitinine hí Otéŋí a Waáŋá ahɛ́ Bandɔ́mɛsɛ́ bɛ́muátá ŋɔ yɔɔ́ndɔ́kɔ na maayɛ́ manɔ́ŋɔ́.

Aámbáya, ɛ́ ma mɛ́ banɔ́ cúmeke na ná Bandɔ́mɛsɛ́ na ná yááyɛ́ yaála yí nuubo, wuúci wáŋa na makɛ́nda ma ɔ banɔ́ kíndísíki o olumitinine noómi, yɔ́ banɔ́ iínjíékíne bɛnyɛ́ma abɛ́ u ŋá batɛ́ákɛ́nɛ́na eébé bekime ebé u ŋeé télímíkínyí bifúúménénú bɛ́ baacɔ eeyé eé buúse.