Versículos más leídos de la Biblia Məco 26

Compartir

Zana á yírhə́, sʼá lwə̀l Yi, mùnì Shətana bə̀kʼa ŋwɛ̀nɛ́ e swèlè ába yé. Numbyíní wu w nʼô yàlá, sə è yala nɛ́ jàn dɛ́ yə̀ yí yé.”

n zɛ̃̀ n wɔ̀ bɛ: “Wu-zhìlù nánfɔ̀lɔ̀ zhe ne, à nʼâ yâl a cì. Mɛ̃na nyɔ̀nɔ̀, á tó ne á zə á yírhə́.”

N zɛ̃̀ n twẽ̌ n vò yé né námpɔ́lɛ́, n zə ń yé n pú tɛ̃´, ń nə́ ń lwə̀l Yi ń zhe: “À Da, kɔn gə wɔ̌, sə nɔ̀nɔ̀ w kɔ̀bɔ́ fwâr à yala nɛ. Sə zhə̀n zhə̀nà, è bə̀kʼa yə̀ ǹdə àmyɛ́ gə́ nʼâ yâl nɛ́ yé. È yál ǹdə ǹmyɛ́ gə́ nə́ ǹ yâl nɛ́.”

Mɔ̀bɔ́ wɔ́ àmyɛ́ jal, sə mə̀ nʼê byili bə̀ Yi dɔbrɛ́ wɔ́ zhə̀nà. Jal mɔ́ mə̀myɛ́ la tɛ̃´ ló mùnì ga lyì nánzhəzhɔ̌ nə bə̀ yə̀-bəlwàálɛ́ sǔbri.

Bə̀ gə́ tú bə̀ nʼê jí kùjú w yi ní, Yezu kwè búrú n ce Yi nə̀báná, n kə́ w dwã wa, n pə ń kwã-lyì bí ni, n wɔ̀: “Zwẽnə á jí. Tɛ̀bɛ́ wɔ́ àmyɛ́ yala.”

N zɛ̃̀ n kwè kâ-zɔ̌m ǹdə́ sɛ̃´ mə̀ wẽ́, n ce Yi nə̀báná, n pə bɛ n wɔ̀: “Zwẽnə á gakó nyɔ̀.

N zɛ̃̀ n kwɛ̃̀ n vò ń kwã-lyì bí bə̀tɔ̀ y sõ, n pwírí bə̀ dɛ̌. N wɔ̀ Pyɛɛrɛ nɛ: “Á yə̀ ŋwɛ̀nɛ́ á zə á yírhə́ á jòm námpɔ́lɛ́ myɛ cìcì?

À nʼâ wə̀l ába: kɔn zhí èlâsɛ̃´, à kʼâ tʼâ la sɛ̃´-cǒ byâ nɛ̃̌ mɔ́ mə̀myɛ́ nyɔ́ gaga yé, kɔn mʼe yí dɛ̃ rɛ́ tɛ̀bɛ́ àmyɛ́ ǹdʼámyɛ̌ mʼâ kʼé tó dwã nə́ nyɔ̀ mə̀ dõ nándùl à Da tənà y wẽ́ mó.”

Pyɛɛrɛ zɛ̃̀ n lyǐrh bə̀ Yezu yà ń wò mò: “Cə́-bya mʼà la mʼe kúrh ǹdə́ ǹ wò twər rə̀tɔ̀ bə̀ ǹ yə̀l à pár yé.” N zɛ̃̀ n du pwẽ̀ nè ń nə́ ń kúrh dɛ̃´dɛ̃´.

Zɛ̃̀nà dɛ̃̌ nə́ vò. Nyǐ mɔ̀bɔ́ ń la nɛ myìnù mú bwəlse.”

Yezu zɛ̃̀ n wɔ̀ mɔ̀: “Ká ce ǹ shù w ò pyá y wa! Lò mɔ̀bɔ́ gakó ń nə́ ń zə shù ń bwí búlə́, wɔ́ shù bə̀ yʼa mʼe gu mu.