Versículos más leídos de la Biblia Luuk 3

Compartir

Layaan na Jon taxa fasuf a mu rabuna, na Yesus maa savat sina e na Jon a fasufe vaxa. E layaan na Yesus i taxa fenung, a xunavata a talakas e a Vovau Xaradak a sivimaan xuluna lana vipin ina vaalus. E a ling a ferawai ti laa'ui la xunavata, “Nano, no natuk, ne vubuxan xasingit nano e a xunus iga a roxoian nano.”

Na Jon a sui nari xapiak, “Nenia, ne fasuf nami pana raarum. Taasaxa saxa pana gutan aava molava sena gutan siak i taa filimaan e nenia, ne pife fexaxaas sena mulus a ʻslipaʼ sina senaso ne mataa palau mon. Nane xo i taa fasuf nami pana Vovau Xaradak e fata.

Tamo mi fo puk tapin nami xa xasena maana vilaana saat simi lavaxa, fasavat a maana faisok roxo xena faxalitaana. E muta lamon o mi taa xuus nami xa, ‘Na Abrahem ve na Tamataara.’ Ne xuus nami o a Piran a fexaxaas sena fasavat a rafulak xa Abrahem pana mu faat aanabe'.

A yaamu i taxa waan xo la funa wai e a wai aava pife fasavat a xalana roxo, a Piran i taa tei tapine xe lana fata.”

A xakalayan si Aisaia, a mataa ina kuus fatuxai, a kuus malaanabe': “A ling ina saxa mataa pe la xobingil i taxa kel ‘Faigotan a salan xana Memai, Vil faxaradak a salan sina. Raful a mu matana mui e faxaradak a mu put lava e modak. A mu salan xaxoling, vil faxaradak nari e tifi a mu vaa'ul lana salan. E a mu rabuna xapiak ri taa xalum a fakaaxupan sina Piran.’”