Versículos bíblicos populares de Proverbios 18

Ti nkehe nixja sin la chónta kjuachaxin tsjajon kjuachón o̱ tsakítsje ti kjuachón; la ti chojni chji̱ñé nixja la tsjasótexín sin tíha.

Ti ihni̱é Itꞌéni Díos la éxi ijnko tja̱tꞌo̱ nte̱to tse̱he̱, la kaín chojni jína tjejó la tóchjina sin kixin tsaáxin sin.

Siín chojni chóxini jína, kjánchó xra̱hya tónínkakohen sin ti jeheni, la siín chojni chóxini jína la a̱ntsí tjinki̱tsa sin ke ijnko kíchóni.

Ti nkexro kꞌuitja ijnko chojni chjin la kꞌuitja ti kjuaxróxin kixin Itꞌéni Díos kjua̱ko̱xi̱n kixin imá tjue̱he chꞌan ti jehe sin.

Ijnko kjualo̱nti̱ la ko kjuatosuéhe̱ ti tsjáte̱heni ti na̱xa̱ kienhñani ti nkehe tsoxranchankí.

Ti chojni lo̱nti̱ la tjinkakonhña tsꞌitja; jehó tjinkaon sinchenkexín ti intsí nohe.

Ti kjuahnke tji̱ka̱o ti tsꞌenxín chojni; la ti chojni nchentsí a̱sén la tsꞌáyéhe̱ sin kjuasàya.