Versículos bíblicos populares de 2 Tesalonicenses 2

Ti̱toéhyara kixin nkojín nkexro chrókjuitꞌayahara. Kixin ti na̱xa̱ tihya ti ña̱o la itsi itsjé chojni tso̱nínkakohen Díos, la ko itsi ijnko nkexro jínahña chónta ijie̱, sinchekꞌitjáña kaín ti nkehe jína.

A̱ndá jeheni nkochríxín chróchjéheni kjuasáya Díos kixin ti jahara kíchóni tjua̱hára Ìnchéni. Ósé tsíkjeyá Díos ti jahara kixin chrókuaára la ti Ncha̱kuén chꞌan tso̱tjuáxinra, la ko ti itén chꞌan chaxín ndoá kuitekáonra.

*Ti nkexro jínahña i, la tso̱nínkakohen Díos la ko tso̱nínkakohen kaín ti nkehe tinkáchónki chojni, la tsꞌixehen nkaxehen ti ni̱nkué Díos tsꞌetja̱xi̱n la tsondáchro kixin jehe mé Díos la sichꞌéna a̱sén Díos.

Ìnchéni Jesucristo la ko Itꞌéni Díos imá tjue̱he ti jeheni la ko kjuasáye chꞌan tjinki̱tsa chꞌan kixin tso̱chéhe̱ni nkochríxín la ko tsꞌejóchóheni itsi Ìnchéni. Jehe chꞌan tsjajon chꞌan kjuachéhe̱ la ko sinchefuerte ti a̱sánra la tsjajon chꞌan kjuachaxin kixin ndoá chrónixjara la ko kaín ixra̱ jína chrókjui̱chꞌera.

Mé xi̱kaha tsíto̱he Díos ti jehe sin kixin tsitekaon sin kaín ti nkehe chaxínhña la ko kaín kjuachꞌia

*Ti nkexro a mé tsi̱ka̱o ti kjuachaxin kuènté ti Jínahña, la xi̱kaha tsochónta kjuachaxin sichꞌia la ko tsjasin kjuaxroan ijié, kjánchó jehó sichꞌiyaxón tíha. Mé xi̱kaha kaín nkehe jínahña sichꞌiyexín ti sin ó xráxín tsꞌitjáña kixin tjinkakonhña sin tsitekaon sin ti itan chaxín ndoá chrókuaáxin sin.

Kixin ijie la ó imó ichꞌe ixra̱ ti kjuachaxin kuènté jínahña la na̱xa̱ tꞌitjáña kixin sáchrokjui ti nkexro tinkákóhen kixin ndá chaxín itsi ti nkehe jínahña.