Versículos más leídos de la Biblia Bitrus I 3

Compartir

La Kristi shi nho bugba mi n gyi-gyi-yi ngye Dagayi. N zaha nyaɓo nko zhin hoi kpema wo lonu, ha gni n shiri yi zhin n saho-sahoi yi ha gna wo dna na tna n mwa-mwa gai ɓe. Fye zhin oɓo kwo bmiya, n naza daɓo tu fye tukwo, ɓai yi fye n naye nukwoi yi she fye vi Yesu, vinyikwo a woɓa ntu ɓa ɓeda nukwoi ɓo.

Ntuge Dagayi shiwo aɓi awyelo, woi wo oɓa aduwa njesun. Ama Dagayi awyeba gyi minagyi nnaza yi n ɓa zhin ɓenukwoyi.

Fye to gye fya huwan n bmiya-bmiya yi n kwo ɓe ntu nyigun zhin; ɓo, n na kaya nabmiyai anyi nya yin ko aje manayi, kwo tukwokni manayin. Ama fye ku bmiya n mi nfye abugba mi, n bmiya-bmiya yi n kwo mwasa dna n zafun, konu zhin nya manayi n Shekwoyi abye.

Nho cei pma ha bwa agmada, ha gye anyipyei manai jesun, to laho nyitala wanshi, ha gu ho gbe n na katace. La bui ɓenukwoi si ha zhin ɓemanai. Zan bugbafu shin kwo hoi ɓa nyakwo na sipitai nu, ha vi ko dei-dei.

Nsaiye ɓeda ye kwo ɓe fye abanu vinya. Fyeku ze ngye puwa yakwo ɓai dagma, fyei gye aje sun-sun fyei ye najei n bugba manayi n tukwo-gba yi. Fye to gba ɓenukwoi ta n ɓenukwoyi yin. To gba aza ta n ɓa da ɓeda nukwoi tu n fye tukwon. Ama zhin aduwa Shekwoyi wa bmaɓa zhin, ntuge kwo bmiya ya zhin aza alheri, Shekwoyi ɓa tuyi anabarka ntu ce.

Nshinsun-sun zaho tolo n wo ɓa zhin fye ɓenukwoyi n tu ge fye zhin ɓemanayim.

La bui ɓenukwoi si ha zhin ɓemanai. Zan bugbafu shin kwo hoi ɓa nyakwo na sipitai nu, ha vi ko dei-dei.

Pa, n Shekwoyi cei pma fya sin wahala, kwo gna bmiya oza sin wahala ntu ɓemanai zhin ɓo, afa wahala sin ntu ɓenukwoi zhin ɓo.