Versículos más leídos de la Biblia Yohanna I 4

Compartir

Yi to n dna apma yi lo n za aba nwo ye yi lo cewon, owo ye-ye n yi aba n la aɓo dna nya nyayi ya, n woɓa zhin yi nyi. N ya wo edna, yiwo oɓo dna nu n wo ɓa zhinyi, kwa wu nu ge yita kpelo shi wo ye yi nsun.

Omi anugundo ye-yeyi fye zhin Shekwoyi anyanu, fyei ku nasara gyi n na azayi n ɓa wun Kristi nu, Ntuge oza dnalo n efye abugbami n wo du amalami akatayi ye lo n kala, n ɓa fi n na anyi nukwoyi ye nyi.

Ntu cenu, yi yewo ntuge wona ye yi n na bye.

Emi anugundo, yi tumwi ya ye n na ajeyi, gama ye-ye gmi n Shekwoyi abanu, aza nɓa ye n na zayi, ɓai zhin ɓemana ɓa wunu ge ɓa zhin Shekwoyi aɓi nu, ɓai zhin atnalo ɓaye kpewo ye lo na bye.

Ama ndei oza to n ye-yei lo woi zhin ɓemanan, kwo wu nu ge wo ta kpe Shekwoyi ye lon gama Shekwoyi zhin ye-yenu.

Dna n tnu-tnuye yi ku gye shi yeye hin-hin wu, kwo to zhin eyi yeye nu n Shekwoyi aban, ama, owo yeye nu n yi aba, esa n wo ɓei tnu n wo Nugun yi wa ya Shekwoyi minagyi zhi n yi alaifi tukwo.

Emi anugundo, shi Shekwoyi ye yi lo n sun lonu nyi, kwo kunce lo ya ye n na ajeyi ce.

Shekwoyi ɓei wu shi wo ye yi nsun esa n wo ɓei tnu n wo Nugun, ɓigba gmanyi yi dna n na nyi nukwoyi ye, wa ɓe yi n wye-wyeyi nyalo-nyalo nya yi, dna n wo fi.

Ndei oza gna ge, “mi ye Shekwoyi lo” ama woi wun owo zado nun, wo zhin za kata nu, woɓa ye Shekwoyi n wuna n wo to shin wo gye-nyin, ndei wo ta ye wo zado lo n wo gyewo wye nyin ma?

Zaho-zahoyi n wa ga gaiciya wa ci ge Yesu nu zhin Shekwoyi Nugun, Shekwoyi dnalo n owo mi, owohin ce dna n Shekwoyi mi.

Shekwoyi, n wohin tukwo wo ku ci ge oza taye Shekwoyi nu gmanyin ama wo ye nwo zadoyi.

Omi a nugundo ye-yeyi fye to ga aɓo vinya gaiciya nfye won, ntuge aza gna fye ge Shekwoyi ɓeda nun fye mwi kwo kpa fya gye kwo Shekwoyi ɓeda nu. Gama anya wuyi a katayi lo. Zokwo nfye ɓa kpe ge ɓeda ye zhin Zafun Gyi-gyi-yi nya nu, okwo nu ge fya nyaɓo ge ɓeda ye da lo ge Yesu Kristi, Shekwoyi Nugun ɓo la ze Zanyikwoci wa ɓe dna na anyi n nayi ku ngye za? Nkwo wu lonu agye ɓedahi gmi n Shekwoyi aba nu.

Nkwo to wo lonun, to ɓedahi ta gmi n Shekwoyi aba nun, ama n Kristi nuɓayi aba, Kristi Nuɓayi n fye ku owo ɓo shinwo nge wo ɓelo nyi, owo a tnutnu nukwoyi n ɓa zhin gaba Kristi nyi, ɓa fi lo anyi.