Versículos más leídos de la Biblia ROMA 12

Compartir

Sia da mipeolai tu a’ganna te lino, sangadinna la membalikomi diona kadiba’ruanna penaammi, ammi issanni untandai pa’poraianNa Puang Matua, iamo melona sia Naporainna sia sundunna.

Iamoto, e kamu siulu’ku, kupakilalakomi tete dio kamamaseanNa Puang Matua, pennoloanni tu kalemi butung pemala’ tuo sia masero sia Naporai Puang Matua, iamoto tu kamenomban tu siolanan kakinaan.

Sendekomi diona rannummi, ma’tan penaakomi lan kamaparrisan, sia batta’ lan kapassambayangan.

Da anna taloiko kakadakean, sangadinna taloi tu kakadakean diona kameloan.

Lan kasialamaseammi sangsiulurammi, pantan la sipakaboro’komi sia da mididoloi sipekataberan.

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

Iake ma’dinni padami pabelammi la sikadamakkomi tau.

E pa’kaboro’ku, da anna kamu kalena ma’pasibalaran, sangadinna pakampai kasengkeanNa Puang Matua, belanna den disura’ kumua: Aku umpoissanni tu pepakkan; Akumote tu la umpapakkanni, kadanNa Puang.

Da milangga’ lan sara’mi; paparrukki tu penaammi, mengkaolakomi lako Puang.

Belanna dio tu pa’kamasean dipa’kamasean lako kaleku, angku kuan simisa’komi kumua: da anna sanga kalena losong na iatu sipatunna, sangadinna la napasitinayai tu nasanganna anna kinaa sitondon kapatonganan tu Napapatuanni Puang Matua.

Da mipasipakkan kakadakean lako misa’ duka tau. Karitutui tu kameloan dio tingayona tau.

Sisanginaakomi solami. Da ammi kabarii apa madaoan, sangadinna sikadamakkomi to bitti’. Da misanga kalemi manarang.

Sangadinna, iake tangdia’i tu to ungkabiri’ko, benni kande; iake ma’rangi, pairu’i. Belanna, iake mupogau’i susito, butung to ruaya mutopporanni dao ulunna.

Palakuanni kamauparan tu to umpakario-riokomi; palakuanni kamauparan sia da mitampakki ropu tau. Pada parannukomi to parannu; sia pada tumangi’komi to tumangi’.

Rokkoi tu kakuranganna to masallo’ sia matinuru’komi untoratu tau.

Belanna susi dio kaleta sangbatang nabuda lesoan kale, apa mintu’na tu lesoan kale tae’ nasidulu pentoeanna, susi dukamoto tu kita budaki’ anta sangkale lan Kristus, apa pada-padaki’ sipolesoan kale sola nasang.